پڕۆفیسۆر یوری بێلنیکۆف پزیشکی پسپۆڕی نەخۆشییەکانی دڵ و ئەندامی ئەکادیمیای زانستەکانی ڕوسیا ئاشکرایکرد، خەو زڕان و کەمخەویی چی کاریگەرییەکی خراپی لەسەر زۆرێک لە ئەندام و سیستەمەکانی جەستەی مرۆڤ دەبێت، بەتایبەت دڵ و لولەکانی خوێن.
ئەو پزیشکە پسپۆڕە ڕوسییە دەڵێت: دەبێت خەو مافی خۆی پێبدرێت، لەبەرئەوەی گرنگییەکی بۆ تەندرووستیی دڵ لە چالاکییە جەستەییەکان و خۆراکی تەندرووست کەمتر نییە، تەنانەت کەم خەویی هەنگاوێکە بەرەو تووشبوون بە چەندین نەخۆشیی.
ئەوەشی وتوە، پێش هەموو شتێک کەم خەویی دەبێتە هۆى بەرزکردنەوەی پەستانی خوێن و تووشبوون بە نەخۆشییە تاجییەکانی دڵ و ناڕێکی لێدانەکانی دڵ.
ڕونیشیکردۆتەوە، دیارترین دەرئەنجامەکانی کەم خەویی بریتییە لەڕوودانی جەڵتەی مێشک و پەککەوتنی دڵ.
سەبارەت بە هۆکارەکانی بەدخەویی بێلنیکۆف دەڵێت: جێخەوی نائاسوودە و بارودۆخی خەو کاریگەرییان هەیە، هەربۆیە نابێت ئەو ژورەی لێی دەخەوین گەرم بێت.
دەشڵێت: گۆڕینی بەردەوامی جێگەی خەو و شەکەتیی و خەمۆکیی و بەدخۆراکیی کاریگەرییان لەسەر کوالێتی خەوتن هەیە، لەبەرئەوە پێوستە شەوانە لە یەک کاتی دیاریکراودا بچینە سەرجێگەی خەوتن، تەنانەت لە ڕۆژە پشوەکانیشدا. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 712 times
Write your comment about this item!