دەقی پیرۆزباییەکەی مەکتەبی ڕێکخستنی #یەکێتیی نیشتمانیی کوردستان#:
هەڤاڵ عەتا کەریم سەرنووسەری PUKMEDIA
هەڤاڵانی ڕۆژنامەنوس و کارمەندانی ئازیز
ماڵپەڕی PUKMEDIA ماڵپەڕی ڕەسمی یەکێتیی نیشتمانیی کوردستانە یەکێکە لەپێگە ئەلەکترۆنیە باوەڕپێکراوەکان و بەپێگەیەکی ڕاستگۆ و بوێر ناسراوە و بەبێ جیاوازی ئەرکە میدیاییەکەی جێبەجێ دەکات بەپێی یاساکانی کاری ڕۆژنامەگەری توانیویەتی بەئامانەتەوە ئیتیکی کاری ڕۆژنامەی بپارێزێت.
داهێنانێکی تری ئەم ماڵپەڕە، بەچەند زمانێکی جیاجیا زانیاری و هەواڵەکان بەزووترین کات دەگەیەنێتە بینەروخوێنەرەکانی، بۆیە PUKMEDIA یەکێکی دیکەیە لە شانازییەکانی یەکێتیی نیشتمانیی کوردستان لەڕووی کاری ڕاگەیاندنەوە، بۆیە بەناوی هەڤاڵ سەرکەوت زەکی لێپرسراوی مەکتەب و تەواوی هەڤاڵانی مەکتەبەوە گەرمترین پیرۆزبایی لەسەرنووسەر و ستافی ئەم ماڵپەرە پر سەروەرییە دەکەین و کارەکانیان بەرزدەنرخێنین و هیوای بەردەوامی داهێنانی زیاتریان بۆ دەخوازین لەداهاتوودا وەکچۆن لەڕابردوودا جێدەستیان دیاربووە لەگەشکردنی میدیای کوردیدا، ئاوهاش لەداهاتوودا خزمەتی زیاتر بگەیەنن بە ڕاگەیاندنی یەکێتی و گەلی کورد لەبواری میدیای نوێ دا
دووبارە پیرۆزە .
مەکتەبی ڕێکخستنی ی.ن.ک[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!