ناڤ: شێرزاد
ناڤێ بابێ: حەسەن
ساڵا ژ دایکبوونێ: 1951ز ئان 1952ز
جهێ ژ دایکبوونێ: تاخا خانەقا - هەولێر
$ژیاننامە$
شێرزاد حەسەن نڤیسکار و وەرگێڕێ کورد، ژ دایکبوویێ ساڵا 1951ز ئان 1952ز ل تاخا خانەقایا #هەولێر#ا باشوورێ کوردستانێ یە. ساڵا ژدایکبوونا وی ب درستی نەدیارە. دایک و بابێ وی ل سەر ڤێ چەندێ چ جارا هەڤدەنگ نەبوونە، یەک ژ وان دگۆت دەمێ «شێرۆ» ژ دایکبووی هێژ «جوو» ژ هەولێرێ نەچۆبوون، یەک ژ وان سەر وێ باوەڕیێ بوو کو د وێ ساڵێ «جوو» ل هەولێرێ چوو بوون. لەو ساڵا ژدایکبوونا وی یان 1951 ە ئان 1952.
چار ساڵێن قویناغا سەرەتاییا خواندنێ ل باژێرێ #ڕەواندز#ێ، ل قوتابخانەیا «پاشای گەورە» خواندییە، پاشێ پۆلا شەشا سەرەتایی ل هەولێرێ، ل قوتابخانەیا «ئیبن خەلەکان» خواندییە و داویا خواندنا خوە حەتا قویناغا زانکۆیێ هەر ل هەولێرێ تمام کرییە. شێرزاد حەسەنی باوەڕنامەیا بەکالۆریۆسێ ل زمان و وێژەیا ئینگلیزی ل زانکۆیا #بەغداد#ێ ل ساڵا 1975 - 1974 وەرگرتییە. ل ئابا 1977 ل ئامادەییا پێشەسازیا کارەبا و ئەلکترۆنا سلێمانیێ هاتییە دامەزراندن. پاشێ ل دوماهیکا ساڵا 1978 هاتییە ڤەگوهاستن ژ بۆ ئامادەییا بازرگانیا تێکەلا سلێمانیێ. شێرزاد حەسەن ل ساڵا 1994 حەتا حوزەیرانا 1997 ل ڕێکخراوەک تایبەت سەر ب بەریتانیایێ ب ناڤێ MGA کار کرییە و هەروەسا ل بەشێ پەروەردە و ڕاگەهاندنێدا بۆ هەیامێ2 ساڵان سەرنڤیسەرێ گۆڤارا «ئاوات» و «هێڤی» بوو کو ژ ئالیێ ڕێکخراوێ دهات بەلاڤ کرن، کو تایبەت ژ بۆ زارۆک و قوتابیان بوو. ئارمانجا وێ ئاگەهدارکرنا زارۆکان بوو ژ مەترسیێن مین و بۆمبەیان.
ل هاڤینیا 1997 بۆ هەیامێ 10 هەیڤان ل باژارێ تامپێری ل فینلەندایێ پەنابەر بوویە، پاشێ ل بهارا 1998 ڤەدگەریتە کوردستانێ. هەر د وی ساڵێدا ژ ئالیێ «Pen Club» ا جیهانی ژ بۆ دیدارەک ئەدەبی دهێتە بانگهێشت کرن و ب باسەک ئەدەبی بەشدارێ وێ کۆنفرانسێ دبیت. شێرزاد حەسەن ل هەمبەری هەمژارەکە بەرچاڤ ژ نڤیسکارێن ناڤدارێن ڕۆژهەڵاتی و ڕۆژئاوایی سمینارەکە ئەدەبی پێشکەش دکەت ب ناڤێ «زمان و کەسایەتیا نڤیسکاری».
ساڵا 1998 ل ڕێکخراوا «UNESCO» دەست ب کار دبیت حەتا هاتنا ئەمریکایێ ل ساڵا 2003. کارێ سەرەکەیێ ڤی د وێ سازیێ دا چێکرنا پەیوەندیێ ژ بۆ هەڤکاریا دەزگەهێن پەروەردەیێن کوردستان و قویناغا خواندنا باڵا بوو، هەروەسا ئەندامێ چالاکێ پرۆگرامان ژیک بوویە.
ل هاڤینا ساڵا 2003 حەتا هاڤینا 2007 وەک سەرپەرەشتیارێ پسپۆر کار کرییە. ل ئەیلوولا 2007 حەتا نها هاتییە تەکلیف کرن ژ بۆ ڕاپەڕاندنا کاروبارێ ڕاگەهاندن و ل دیڤ چوونا ئاریشە و گرفتێن پەروەردەیا پارێزگەهێ سلێمانیێ. هەر د هاڤینا ساڵا 2007 بەشدارێ فیستیڤاڵا هاڤینەیا ئەدەبیا «ئەدنبرە - Bookcase» دکەت ل وڵاتێ سکۆتلەندایێ.
شێرزاد حەسەن ژ بلی هەمی خزمەتێن خوە د بیست ساڵێن بووریدا ل بوارێ بەرگری کرن ژ مافێ زارۆکان، ژنان و پەروەردە و پاراستنا ژینگەهێ د گەلەک سمینار و کۆڕ و کۆبوونەوەیێن گرنگ بەشداری کرییە و ب ئەرکێن جۆر ب جۆر ڕابوویە.
$بەشەک ژ بەرهەمێن وەرگێڕانکری$
هەلبەست:
«قەلەڕەش و زەنگەکان» گولبژێرەک ژ هەلبەستێن بیهانی
«باڵەکانی فریشتە» کۆمەڵە هەلبەست
«دوو ژن و دوو پیاو» کۆمەڵە هەلبەست
وتار
لە ستایشی ئەدەبدا کۆمەڵەوتار
«جەنگاوەری ڕۆشنایی» ژ نڤیسینا پاولۆ کۆئیلیۆ
حەقتە بزانی؟ کۆمەڵەوتار نڤیسینا ژان پۆل مارتۆز
دەروونناسی
«چۆن دەبیت بە باشترین ھاوڕێی خۆت»
«تۆ بەسەر خۆتدا زاڵیت؟» ژ نڤیسینا وێندی گرانت
چیرۆک
«گەنجە ئازاکەی سەر جۆلانەکە» ھەڵبژاردەیەک ژ چیرۆکێن بیهانی
«یادگارەکانی قەڵەڕەشێک» کۆمەڵەچیرۆک
«فرمێسکەکانی کوکوختی» کۆمەڵەچیرۆک
شانۆنامە
شانۆنامەی «پەڕ بە سەر» ژ نڤیسینا ناسلین هوسورن
شانۆنامەی «مارا سات» ژ نڤیسینا پیتەر ڤایس
شانۆنامەی «فریشتەیەک لە بابل دادەبەزێت» ژ نڤیسینا فریدریش دێرنمات
شانۆنامەی «مەرگەساتی شا لیر» ژ نڤیسینا ویلیام شێکسپیر
شانۆنامەی یەک پەردەیی «کسلینی ھولیان، یان پیرەژنە ھەژارەکە» ژ نڤیسینا ولیەم بەتلەر بیتس
شانۆنامەی یەک پەردەیی «ڕمان» ژ نڤیسینا سۆل بێلۆ
شانۆنامەی «فریشتەیەک لە بابل دادەبەزێت» ژ نڤیسینا فریدریش دێرنمات
شانۆنامەی گوندەکانی بەرەو مانگ ھەڵدەکشن (ژ عەرەبیێ) فرحان بلبل
شانۆنامەی بە تووڕەیی ئاوڕێک لە ڕابردوو بدەرەوە ژ نڤیسینا جۆن ئۆزبۆرن
ڕۆمان
«ژیان وا لە شوێنێکی دیکە» ژ نڤیسینا میلان کوندێرا
کتێبەکانی زانکۆی ئۆکسفۆرد
«ڕامیاری» ژ نڤیسینا کێنت مێنوک
$بەرهەمێن پێنووسا وی:$
هەلبەست:
دیوانا «دارشەقەکانی نیشتمان و دوا ورتەورتی من» کۆما هەلبەستێن شێرزاد حەسەن ل1979ەوە حەتا 2011، چاپا ئێکێ: سلێمانی: چاپخانەیا ڕەنج، 2012
ڕۆمان:
دوا شەوی دابەزینی عیسا
ژنێک بەسەر منارەوە
پێدەشتی کارمامزە کوژراوەکان
تەمی سەر خەرەند
کورتەڕۆمان (نۆڤلێت)
حەسار و سەگەکانی باوکم
خەونی جاڵجاڵۆکەکان
ژنێکی منگن
کۆمەڵەچیرۆک
تەنیایی (1983)
گوڵی ڕەش
گەڕەکی داھۆڵەکان
پیرەپەپوولەکانی ئێواران
چیرۆک
گوناحی سپی
میم
من و قالە و سەگەکەی باڤلۆڤ
ڕەنگاڵە
زەلکاو
گەمەی گۆڕینەوەی قەڕەوێڵەکان
کوودەتای کەروێشکەکان
ماڵێک لە ئاو
مارلین
تابلۆیەکی ناتەواو
کۆمەڵەوتار
بێ کتێب ھەڵناکەم
دوژمنی گەل و مێگلیزم
دەرۆزەکەرەکانی سەربەستی
کارگەکانی تابووت
نامیلکە:
«منداڵێکی نوێ» ژ نڤیسینا ئۆشۆ و شێرزاد حەسەن [1]