ناڤ: مارف
ناسناڤ: مارف خەزنەدار
ناڤێ بابێ: عەبدولقادر
ڕۆژا ژ دایکبوونێ: 01-11-1930
ڕۆژا مرنێ: 25-10-2010
جهێ ژ دایکبوونێ: هەڤلێر
جهێ مرنێ: هەڤلێر
$ژیاننامە$
ناڤێ وی مارف عەبدولقادر مارف ئەحمەد ئاغا ڕەسوڵ ئاغایێ خەزنەدارە کو ب مارف خەزنەدار یێ بەرنیاسە.
ل ڕێکەفتا 01-11-1930 لە #هەڤلێر#ێ هاتییە دنیایێ، قوناغێن سەرەتایی و ناڤەندییا خوەندنا خوە ل شارێ هەڤلێرێ و قوناغا ئامادەیێ ل #کەرکووک#ێ بوویە. ماڵباتا خەزنەدار ل بنەجی خەلکێ دەڤەرا #سلێمانی#ێنە لێ بەلێ پشتی شەڕێ یەکەم یێ جیهانی چووینە هەڤلێرێ و ل وێرێ ئاکنجی بووینە.
ل ساڵا 1952 دێبیتە ماموستایێ سەرەتایی و پشتڕە دێبیتە فەرمانبەر ل ڕێڤەڕییا پەروەردێ ب پلەیا نڤیسەر و هەتا ساڵا 1957 دێ لسەر ڤی کارەی یێ بەردەوام بیتن و ئو هەر د هەمان دەمدە ل کولێژا ئاداب مژویلی خوەندنێ دبیت.
ل ساڵا 1957 ئاندە خوەندنا خوە یا زانینگەها بەغدا، ل کولیژا ئادابێ و ل پشکا زمانێ عەڕەبی باوڕناما باکالۆریۆسێ بدەست خوەڤە ئینا و بوویە ماموستایێ زمانێ عەڕەبی، ل ئادارا 1960ئان دە دێچیتە ناڤا کۆمیسیۆنا زانستی یا عیراقێ و بو دەمێ 9 هەیڤان ل مۆسکۆیێ دێبیتە خوندەڤان و ل باژێرێ سانت پترسبۆرگ یا ڕووسی نیشتەجێ دبیت و پشتڕە دێبیتە خوەندەڤانێ خوەندنا بلند ل پشکا بدیفچوونا کوردی ل پەیمانگەها دیراساتا ڕوژهەڵات یا سەر ب ئەکادیمیایا زانستی ڕووسیایێ و باوەڕناما ماستەر د بدەست خوەڤە ئینیت، ل ساڵا 1963 و ل کولێژا ڕوژهەڵات یا سەر ب زانینگەها سانت پترسبۆرگ ب تەڤایا دەنگێ لێژنەیا هەلسەنگاندنێ باوەڕناما دکتۆرایێ دێ وەرگریت.
ساڵا 1968 جارەک دن دێبیتە ماموستا لێ ئەڤێ جارێ ل زانینگەها بەغدایێ و ل پشکا زمانێ کوردی و دێبیتە سەروکێ پشکا زمانێ کوردی و د بەردەوام بیت لسەر کارێ خوە، ل ساڵا 1973ئان دە ناڤ نیشانێ زانستی یێ ماموستایێ یاریدەدەر وەردگریت و پشتڕە و هەر د وێ ساڵی دە پشکا کوردی ل کولێژا پەروەردەیا زانکویێ بەغدا دامەزراند. ل ساڵا 1979 ناڤ نیشانێ ماموستا ب پلەیا پرۆفیسۆر دێ بدەست خوەڤە ئینیت.سەرئەنجام ل ساڵا 1981ئان دێ خانەنشین بیت.
مارفێ خەزنەدار وەکە نڤیسکار و سەرنڤیسەر ل چەند گوڤارو ڕوژنامەیاندا کار کرییە.
32 کتێبێن چاپکری هەنە ل نڤیسین و وەرگێڕان و ڤەکۆلینێن دبوارێ خوەندناندە، ل گرنگترین بابەتێن چاپکری یێن خەزنەدار دیروکا ئەدەبا کوردییە کو ل 7 بەرگان پێک هاتییە.
ئەندامێ سەندیکایا ڕوژنامەڤانێن عیراقێ بوویە.
ل ساڵا 1960 ڕە ئەندامێ یێکەتییا ڕوژنامەنڤیسێن جیهانی بوویە.
ئەندامێ کارایێ کوڕا زانیارییا کوردستانێ بوویە.
ب مخابنیڤە ل 25-10-2010 و ل ژیێ 80ساڵی دە ل هەڤلێرا پایتەختا هەرێما کوردستانێ وەغەرا داویێ کر.[1]