دېیاری ڕۊ جەهانیی زۋانی ئەڎایی
یەکەم هۊرگېڵنی (هۆرامی - سۆرانی) و (سۆرانی - هۆرامی)
پېشکەش بە :
- هەر کەسېۋۍ/ کەسېۋی، کە زۋانی ئەڎایی وېش پارېزنۊ.
- هەر کەسېۋۍ/ کەسېۋی، کە گۊ-زەمینی و سرۇشتو دۆروبەرو وېش پارېزنۊ.
- هەر کەسېۋۍ/ کەسېۋی، کە گەلکارانە چنی ئینسانەکا تەری ۋەراۋەرو ڕامیاریی ئەسیمیلاکەرانەو دەسەڵاتدارا ۋەرەنگاری کەرۊ.
- هەر کەسېۋۍ/ کەسېۋی، کە وېبەخشانە و وېبڕیارانە بە کەسەکا تەری کۊمەک کەرۊ، پەشتیۋانی وېش پەی کۊمەڵەکا تەری نیشانمڎۊ.
- هەر کەسېۋۍ/ کەسېۋی، کە گەرەکشا زۋانی ئەڎایی من فېربۊ، هەر پاسە کە من زۋانی ئەڎایی ئاڎۍ/ئاڎی فېربېیەنا.
- هەر کەسېۋۍ/ کەسېۋی، کە وۍ-یاگەیی (لۆکاڵیی) چالاکی کەرۊ و جەهانیی ۋیرکەرۊۋە و چە کۊمەڵەکا تەرو جەهانی پەشتیۋانی کەرۊ.
پەی بەکاربەرڎەی هۊرگېڵنی (هۆرامی - سۆرانی) و (سۆرانی - هۆرامی) ،
سەرو ئا لینکەیە کلیک کەردۍ و چا خانەنە کە kurdish-sorani نۋیسیان بە سۆرانی ۋاچۍ و دەسەۋاچۍ بنۋیسە، خانەکەی تەرەنە بە هۆرامی هۊرگېڵیۊ؛
هەر پاسە، چا خانەنە کە kurdish-horami نۋیسیان بە هۆرانی ۋاچۍ و دەسەۋاچۍ بنۋیسە، خانەکەی تەرەنە بە سۆرانی هۊرگېڵیۊ.
https://lingojam.com/embed/Horami-Sorani-Ditionary
سەرنج: ئی فەرهەنگە بەرڎەۋام ۋاچۍ و دەسەۋاچېش پەی زېیاڎۍ کریا.
هەر ۋاچېۋە و هەر دەسەۋاچېۋ تۊ شۊنیشەرە گېڵی و چېگەنە نېیەنە و هۊرنەگېڵیێنە، متاۋی بە پەیامی تاییبەت پەی ئەدمینیش کېیانی.
یان ئەر وېت فەرهەنگ و ۋاچۍ و دەسەۋاچۍ هۊرگېڵیێت هەنۍ، متاۋی پېسەو بەشداریکەرڎەی پەی ئی هۊرگېڵنێشا زېیاڎۍ کەری.
[1]