ناڤ: عەبدوڵا
ناسناڤ: هەرشەمێ
ناڤێ بابێ: شێخ مستەفا
ساڵا ژ دایکبوونێ: 1924
ساڵا مرنێ: 2000
جهێ ژ دایکبوونێ: #هەڤلێر#
جهێ مرنێ: هەڤلێر
$ژیاننامە$
د. عەبدوڵا شێخ مستەفا نەقشبەندی ژدایک بوویێ ساڵا 1924 ل هەڤلێرێیە، پسپوورێ یاسایی و ئابووری بوویە، باوەڕناما ماستەر ل زانکوویا ئەزهەرا مسڕی و باوەڕناما دکتۆرایێ ل زانکۆیا لەندەنا بەریتانیایێ ل ساڵا 1959 بدەست خوەڤە ئیناندییە، تێزا وی یا دکتۆرایێ لسەر (نشاە اصل الاجماع فی النظریە العامە للقانون الاسلامی و الرومانی) بوویە کو ئێکەمین وەڵاتی یێ عیراقێ بوویە د وی سەرەمەیدە باوەڕناما دکتورایێ ل وی زانکویەی وەربگریت.
کورتەیەک ل سەر کارێن د. عەبدوڵا نەقشبەندی:
بو ماوێ چەندەها ساڵان ماموستایێ یاسا بوویە ل زانکویا موستەنسەڕییە و مامۆستایێ وانەبێژ بییە ل زانکویا بەغدایێ.
دامەزرێنەرێ دیوانا چاڤدێرییا بەغدایێ بییە.
ئێک ژ دامەزرێنەرێن کوڕا زانیارییا کورد بییە ل باژێڕێ بەغدایێ.
دامەزرێنەرێ خوەندنا بڵند (ژمێریارییا یاسایی) بییە ل زانکویا بەغدایێ.
ژبەر کوو مروڤەکێ خودان شیان و ژێهاتی بییە گەلەک ئەرک و بەرپرستارێتی وەرگرتینە، وەکە:
وەزیرێ دارایی یا عیراقێ ل ساڵا 1966
وەزیرێ ئابوورییا عیراقێ ل ساڵا 1968
ئەندامێ ئەنجومەنا ڕاژە
چاڤدێرێ ژمێریارییا گشتی
سەروکێ ئەنجومەنا چاڤدێرییا دارایی
سەرباری ڤان پۆست و بەرپرسیارەتییان ئەو کەسەکە عارف، زانا، دیروک ناس، هوزانڤان و نڤیسەرەک مەزن کو بەرهەمێن وی تژیینە ل بوچوون وهزر و بیرێن بەرکەتی و ب مفا، هەتا ڤی دمەی ژیک پەرتوک و بوچوونێن ڤی زانایەی جهێ تێڕامان و گەنگەشێنە.
هندەک ژ بەرهەمێن د. عەبدوڵا شێخ مستەفا نەقشبەندی:
دیوانا دەستە گول ب زمانێ کوردی
دیوانا هۆزانان ب زمانێ عەڕەبی (نفحات الحیات) بەغدا ساڵا 1995
علم الاصول قانون – بەغدا ساڵا 1995
معالم الطریق فی عمل ڕوح الاسلامی ل وڵاتێ عەممانێ ساڵا 1993
البرد النضیر لسونیتات شکسپیر – ترجمە شعری 1995
وانشق القمر - مطبعە العبایجی – بەغدا ساڵا 1997
الحریە الجامعیە، قصص من واقع الحیات – بەغدا ساڵا 1989.

ل ساڵا 2000 ل باژێرێ هەڤلێرێ و د ژیێ 76ساڵیدەا وەغەرا داویێ کر.[1]