ناڤ: حەمە
ناڤێ بابێ: جەزا
ساڵا ژ دایکبوونێ: 1945
ڕۆژا مرنێ: #01-10-2010#
جهێ ژ دایکبوونێ: #سلێمانی#
جهێ مرنێ: سلێمانی
$ژیاننامە$
محەمەد جەزا عەلی هونەرمەندێکێ بەرنیاسێ کوردستانێ و ل ماڵباتەکە هونەر دوستە، ساڵا 1946 ل سلێمانی ژدایک بوویە، ل ژیێ 19 ساڵیێ ژیانا هەڤژینیێ پێک ئانییە، خودیێ 6 زارۆکانە، بو جارا ئێکێ ل ساڵا 1970ئان دە ل هەڤلێرێ د ئاهەنگا 16 ئابێ دە ستران گووتییە، پشتڕە ب ئیکجارکی ل ڤی باژێڕەی ئاکنجی دبیت، دگەل هونەرمەند و ڕەوشنبیرێن دەڤەرێ دێ هەڤدوو بناسن، پشتی کوو ژ ئالێ رژێما بەعس تێ بێزار کرن ل 23-05-1981ێ ب نەچاری دێ هەڤلێرێ بەرەف شاخ و خەباتا کوردایەتیێ جێ هێلیت. سەرباری ژیانا سەختا پێشمەرگاتیێ ئەو ژ هونەر دوور ناکەڤیت و تەڤی تیپا میوزیکا شەهید کارزان دێ مژیویلی تومارکرنا سرودێن نشتیمانی ژبو پێشمەرگە و خەباتا ڕزگاری خوازا کوردستانێ دبیتن.
ساڵا 1990ئان دە تەڤی ماڵباتا خوە دێ بەرەف وڵاتێ دەنیمارکێ سەفەر بکەتن و پشتڕە ژبو چالاکیێن هونەری سەردانا کوردستانێ دکەتن، پشتی ساڵا 2000ێ چەندەها جاران ل هەڤلێر و سلێمانی، کەرکووک، #ڕۆژهەڵاتا کوردستان#ێ دێ کۆنسێرتان ساز بکەت. ل ساڵا 2007ێ دە ب مخابنیڤە دێ تویشی پەنجەشێرا پەنکریاسێ دبیتن و ژبو چارەسەرا ڤێ نەساخییا کوشندە سەرا ئەمریکا و گەلەک جهێن دن بکەتن.
ل ساڵا 1969ئان دە بوویە ئەندامێ تیپا هونەر و وێژەییا کوردی، تەڤی هەڤتەمەنین خوەدا وەکە (عوسمان عەلی) و (سەلاح مەجید) و (حەمەی نێرگز) بەشدارییا چەندین ئاهەنگێن موزیکی کرییە، ئێکەم بەرهەمێ تومار کریێ وی ل ساڵا 1971 ل ژێر ناڤێ بیبی خانم بەلاڤ کرییە کو ل سلێمانیێ تەڤی چەند ئەندامێن تیپا میوزیکا باواجییا کۆیە تومار کرییە، ساڵا 1977 بەرهەمێکێ تر بەناڤێ ئیشق و ئازادییا کو ژ هوزانێن هێمن موکریانییە، ب ئامێرێ عودێ ژئالێ (ڕزگار خۆشناو) بەلاڤ کرئئە. ڤی بەرهەمەیش ناڤبانگەکێ باش ب حەمە جەزا بەخشی و د ماوێ تەنها دوو ڕۆژاندە دێ گەهتە سەرتانسەری کوردستانێ.
ل ساڵا 1977ئان دە دوو سترانا تەڤی (تیپا موزیکا هەڤلێرێ) تومارکرییە، ل ساڵا 1978 (حەمە جەزا) چار سترانێن دن وانا بەلاڤ کرییە، ل ساڵا 1980 دا دوو سترانێن دن تەڤی (تیپا موزیکا هەڤلێرێ) تۆماردکەت. (حەمە جەزا) بەشەکا زورا بەرهەمێن خوە یێن بناڤ بانگ تەڤی هونەرمەندێ عودژەن (ڕزگار خۆشناو) تۆمار کرینە. ل ساڵا 1977ێ دە بەرهەمێ شەنگەبێری و ساڵا 1980ێ بوکی ئازادی و جوانی ناو چیا و ناڵەی جودایی و گلەیی لەکەس ناکەم بەلاڤە کرن. حەمە جەزا دگەل هونەرێ سترانان هوزانڤانەکێ بەرکەفتیش بوویە و دیوانەکە هۆزانان هەیە، ل لاپەڕەیا 239ێ د دیوانا وی ل دەنیمارکێ د رێکەفتا 10-11-2008ێ دە هاتییە : بۆنکرۆزی دێ لە سینەم، قرچەی سووتانی جگەرمە ئەتاسێنی هەناسە و دڵ، زۆر لەسەرخۆ نەرمە نەرمە هێدی هێدی گڕ ئەسێنێ، ئازار وا گەیشتە جەستەم، دەزانم دەردم گران، من دەردەداری شێرپەنجە، مەرگم نزیکەو لێم حاڵی، دەوایەک بۆ سەرەتانم، تا ئەوکاتەی چاولێک ئەنێم، بەهێوای خۆشی ژیانم.
ل 01-10-2010 وەغەرا دوماهیکێ کر و ل گرێ سەیوان یێ سلێمانیێ هاتە بخاک سپاردن.[1]