ئێوارەیەک لەکاتی نان خواردن باوکم وتی:
سبەی هەینییە بۆکوێ بڕۆین؟، ماڵی مامتان یان ماڵی خاڵتان؟
هەموومان لەسەرئەوە ڕێککەوتین بچینە ماڵی ماممان، جگە دایکم ئەو وتی: دەچینە ماڵی خاڵتان.
بەڵام لەبەرئەوەی زۆرینەمان وتمان ئەچینە ماڵی ماممان مەسەلەکەمان یەکلا کردەوە.
بەیانی ڕۆژی هەینی لەخەو هەستاین، بینیمان دایکمان بەپێکەنینەوە وتی: خۆتان حازرکەن ئەچین بۆ ماڵی خاڵتان.
باوکیشم وەک ئەوەی نەبای دیبێت نە باران، گوێی خۆی کەڕ کردو وتی: دایکتان ڕاست ئەکات، ئەچینە ماڵی خاڵتان.
لەو ڕۆژەوە تێگەشتم دیموکراسیەت درۆیەکی گەورەیە (هەموو بابەتە و مەسەلەکان لەژوورە تاریکەکان یەکلا دەکرێنەوە دوور لەدەنگدانی میللەتی نوستوو)
#ئەحمەد جۆڵا#