ناڤ: زارا محەمەدی
ناسناڤ: دەیکا زمانێ کوردی
ساڵا ژ دایکبوونێ: 1990
جهێ ژ دایکبوونێ: #دێوڵانی#
$ژیاننامە$
زارا محەمەدی یا بەرنیاس ب (دەیکا زمانێ کوردی) ، ل ساڵا 1990 ل گوندێ سەراوڵەیێ سەر ب باژێڕوکێ دێولانی یێ سەر ب پارێزگەها #سنە# یا #روژهەڵاتێ کورستان#ێ ژدایک بوویە. باوەڕناما ماستەرێ ل جوگرافیایا سیاسی ل زانینگەها سنە وەرگرتییە و وەکە مامۆستایەکە خوبەخشا زمانێ کوردی، زاروکێن سنە و تەڤایا دەڤەرێ فێری خوەندنێ و نڤیسینا #زمانێ کوردی# کرینە و وەکە سەمبولا خوەندنا زمانێ کوردی تێ ناسین. زارا محەمەدی ژیانا ھەڤژینیێ تەڤی سەیوان ئیبراھیمی پێکئانییە کو ئەو ژیک ئەندامێ ئەنجوومەنا نۆژینە.
بۆ ئێکەم جار زارا ل مەها ئایارا ساڵا 2019 هاتە دەستەسەرکرن و پشتی هەیامەک ل دەستەسەرکرنێ بە دەینانا بارمتە و بە شێوەکێ دەمکی هاتە ئازاد کرن، پشتڕە ل ساڵا 2020 ژ ئالێ لقا یەکێ یا دادگەها شۆڕەشا سنە و ب سەروکایەتیا (دادوەر سەعیدی) ب تومەتا پێکئانینا گرووپ و دەستەیان ل دژی ئاساییشا نیشتمانییا ئێرانێ، سزایا 10 ساڵ بەندکرنێ بسەردا سەپاند. د هەمان ساڵدا ژ ئالێ دەزگەها دادوەرییا کۆمارا ئیسلامییا ئێرانێ و لقا چارێ یا دادگەها پارێزگەها سنەیێ، ب سەروکاتییا (دادوەر مستەفا تەیاری) سزایا بەندکرنێ ل 10 ساڵان ژبو 5 ساڵان هاتە کێم کرن. سەرباری ڤێ چەندێ پشتی ساڵەک و مەهەکێ هاتە ئازاد کرن ئەو ژی پشتی لێبوورینا گشتی یا ڕێبەڕێ کومارا ئیسلامییا ئیرانێ ل ساڵا 2022ئان دەبوو.
ل ڕۆژا 10 شوباتا ساڵا 2023 زارا محەمەدی ل پەیجا فەڕمییا خۆە ل ئینستاگرامێ گرتەیەکە ڤیدیۆیی بەلاڤ کر و تێدا ڕاگەهاند: ❞ئیرو ڕوژا ئینێ ئێڤارەکە درەنگ بێی ئاگەهداریا من و ماڵباتا من، دوست و ئەندامانێن ئەنجوومەنا نۆژین و پارێزەرێ من، ب شێوازەکێ لەزگین ل بەندینخانێ ئەز هاتمە دەر ب بێێ هندێ کو داخوازا لێبوورینێ ژ ئالێ من ئانکو پارێزەرێ من هاتبیتە پێشکەش کرن و پێشتریش من بخۆە ب بەندینخانێ ڕاگهاندبوو و ب ڕییا پارێزەرێ خوە ژی ب دەزگەهێ دادوەریێ ڕاگهاندبوو کوو ب توو ئالییەک ئەز داخوازییا لێبوورینی پێشکەش ناکەم و ب توو شێوازەک ڤێ داخوازیێ ژی ئەز قبوول ناکەم. ھەروەسا پێشتیریش، دەستەسەرکرنا من و سزادانا من ب شێوازەکە ب تمامی نەدروست، ب بێێ بڕیاڕا من ل دەستهەڵاتا من نەبوویە، ئیروش دەرکرنا من ل بەندیخانێ ب توو شێوازەکێ ل دەستهەڵاتا من نەبوویە، چونکی من باوەڕ ب بیروباوەڕ و ڕێبازا خوە ھەیە و هەیا مرنێ ژی لسەر ڤێ بیر و باوەڕ و ڕێبازێ دێ ڕاوەستم.
هەروەسا ب دوو کۆپلەیا ل دیوانا #قانیع#ێ شاعیرڤیدیۆیا خوە خلاس دکەت.
گەر چی دوژمن وا ئەزانێ من بە دیلی لاڵ ئەبم
باش بزانێ کونجی زیندانم قوتابیخانەیە
بیری ئازادیم لە زیندانا فراوانتر ئەبێ
قوڕ بەسەر ئەو دوژمنەی ھیوای بە بەندیخانەیە[1]