دەستپێکی ئارامی و ئۆقرەیی لە کوردستاندا و کۆتایی چەواشەکاری و ئیستغلالکردنی خەڵک.
#عەبدوڵڵا کوێخا موبارەک#
ڕەنگە ڕاگرتنی نەوتی ھەرێم بە کاتی ھەوڵێکی خەو زڕاندنی خەونی سەربەخۆیمان بووبێت، بەڵام ھیچ لەوە کەم ناکات کە ھەمانە و ھەر بەردەوامیش دەبین لە خەونی سەربەخۆیی. ھەروھا سوودمەند دەبین بە دەرکەوتنی چەند ڕاستییەک بۆ ھاونیشتمانیان وەک:
- بۆ لەمەودوا دەردەکەوێت کە داھاتی نەوت ئەو بە ھەدەردان و گەندەڵییە زۆرەی تێدا نەبووە کە چەندین کەس و لایەن خەڵکیان پێ فریوو دابوو بۆ بەرژەندی تایبەتی خۆیان و بێ متمانەیی و فەوزایەکی زۆریان درووستکردبوو دژ بە حکومەتی ھەرێم.
- ئەو پارێزگا و ئیدارە سەربەخۆیانەی، کە داهاتی خاڵەسنووریەکان و داهاتی نانەوتی وەک پێویست بۆ خزمەتی دانیشتووانی بەکار ناھێنێت! پێشبینی ناکرێت هیچ لە گوزەرانیان بگۆڕێت، چونکە ئەو داهاتانەی ناوخۆ کە ناهێندرێتەوە خزمەتی بودجەی گشتی، سەرەنجام لەسەر بودجەی هەرێم هەژمار دەکرێت و لە بودجە دەبڕدرێت، بەوەش دەستی پاک و پیسی لایەنە دەسەڵاتدارە خۆجێییەکان ئاشکرا دەبێت بۆ خەڵک.
- زۆر باش دەرکەوت کێ بەرگری کارە لە مانەوەی کیانی کوردی و کێش نەیارە و خەونی لەناو بردن و ڕادەست کردنەوەی قەوارەی ھەرێم دەبینێت.
-ھەروھا بەڵایەکی گەورەمان لە کۆڵ بووەوە کە نامانەوێت لێرەدا باسی بکەین.
ئەم جارە بە تەنھا #مەسرور بارزانی# سەرۆکی حکومەتی ھەرێمی کوردستان سوارچاک و ڕەمزی خۆڕاگری بوو کە سووربوو لەسەر ڕێککەوتن و بە ھاوبەشی ئیدارەدانی نەوتی ھەرێم و حکومەتی ئێراقی ناچارکرد ڕێککەوتن و ھاوبەشی قبووڵ بکات و واز لە خەونی لێسەندن و ڕادەستکردن بھێنێت. [1]