بابەت: یاداشت
نووسین: #عەبدوڵڵا کەریم مەحمود#
لە ڕۆژانی 06 -تا #12-04-1988# سوپای زەمینی ئێراق بەپاڵپشتی فڕۆکە جەنگی و کۆپتەر و جاش، لە چەند قۆڵێکەوە، له ئەنفالی سێ، هێرشیان کرد ە سەر گەرمیان.
لە #کەلار #ەوە بۆ ناوجاف، لە #کفری#یەوە بۆ #ئۆمەربل# و #توکن#. لە #دووزخورماتوو#ەوە بۆ چەمی #داوێ#، لە #قادرکەرەم#ەوە بۆ بناری گل و #زەنگەنە#، لە #چەمچەماڵ# ەوە بۆ ناوچەی #جەباری#، لە #سەنگاوە# وە بۆ #ئاشداغ# و گوندەکانی دەوروبەری سەنگاو.
سوپای ئەنفال بە هەموو جۆرە چەکێکی تەکنەلۆژیای نوێی پێشکەوتوو، بەرەو قوڵایی گەرمیان کشا.
کاتژمێر حەوت و نیوی بەیانی#09-04-1988# (نازمە‌ بچکۆل ) و چەند پێشمەرگەیەکی کەرتی یەکی تیپی 51ی گەرمیانی #یەکێتیی نیشتمانیی کوردستان# و (ملازم سامی) ، لێپرسراوی بەتالیونی 4ی #حزبی شیوعی ئێراق# ، لە گوندی (#تازەشار# ) ی بناری #گل# ، سەربە شارەدێی #قادرکەرم# ، ڕووبەڕووی ئەو سوپا زەبەلاحە ی ئێراق بوونەوە.
بەشی تۆپخانەی سوپای ئێراق ، بە بەردەوامی تۆپبارانی چڕوپڕی گوندی ( تازەشار) و (ئاوایی #شێخ حەمید# ) و (#کانی قادر# ) و دەوروبەریان دەکرد، ژن و پیاو و منداڵی گوندەکان ڕوویان کردە هەردەی #کەڵۆس# و خۆیان لەو دەوروبەرە حەشار دا.
هێزێکی سوپای ئێراق بە پاڵپشتی کۆپتەر و هەنتەر ، لە سەرجادەی #دووزخورماتوو# – قادر کەرەم ، لە (گوندی #کۆرمۆر# ) ەوە لە چەند لایەکەوە پەلاماری گوندی تازە شاریان دا .
پێشمەرگەکانی (یەکێتیی و شیوعی) بە فەرماندەی (نازمە بچکۆل و ملازم سامی) ، بەیەک ئیرادە و بە یەک هەڵوێستی لۆژیکانە، لە یەک سەنگەری بەرگری دا ، ڕووبەڕووی ئەو سوپا زەبەلاحە بوونەوە ، شەڕ تا 4 ی ئێوارە بەردەوام بوو.
لەو شەڕە نابەرام بەرەدا ( 22 پێشمەرگەی شیوعی و یەکێتیی)، تا دوا فیشەک، تا دواهەناسە، تا زنجیری دەبابەکان گەیشتنە سەر سەنگەر و جەستەیان ، دەست بەرداری بستێک لە خاکەکەیان نەبوون.
جەستە ونجڕ ونجڕ و خوێناوییەکانیان، کەوتە دەست (ئیستیخباراتی عەسکەری فەیلەقی یەکی سوپای ئێراق.)
$شەهیدەکانی کەرتی یەکی تیپی 51ی گەرمیان ی یەکێتیی نیشتمانیی کوردستان بریتی بوون لە:$
1- #نازم ڕەشید ئەحمەد# ناسراو بە (نازمە بچکۆل ) ، فەرماندەی کەرت
2- #نیزام ئەحمەد ڕەمەزان# .
3-#ئیحسان مەحمود ساڵح# ، ناسراوبە (ئیحسانە سوور ) .
4- #غالیب عەبدوڵڵا ئەمین# .ناسرابە (هونەر)
5- #حەمید محەمەد ساڵح# ، ناسراو بە ( حەمید حەفتەغاری ) .
6- #یاسین سەعدون سەعید# .
7- #نەجات فەتحوڵڵا مەحمود# ناسراو بە (نەجات حەفتەغاری ) .
8- #شێرزاد حەسەن عەلی# ، ناسراو بە (پەچە) .
9- #جەبار عەبدول عەلی کەریم# ، ناسراوبە (جەبار کانی قادری )
10- #عادل مەحید عەبدولکەریم# ، ناسراو بە (مام عادل) .
11- #ئەحمەد ئەمین ڕۆستەم# ، ناسراو بە (هەڤاڵ )
12- #ئەحمەد قادر کەریم# ، ناسراو بە (ئەحمەد مەسۆیی)
13-#فاروق ڕەشید ئەحمەد#
$شەهیدەکانی حیزبی شیوعی ئێراق بریتی بوون لە:$
1- #نازم مستەفا عەبدول ئەمیر# ، ناسراو بە (ملازم سامی ) بەرپرسی عەسکەری بە تالوێنی چوار .
2- #بەهادین عەلی محەمەد# ناسراو بە (ماجید )
3- #عەبدولرەحیم عەلی مەحمود# ناسراو بە (مام ئاشتی).
4- #عەبدوڵڵا وەلی ئەحمەد# - (حەیدەرە سووری)
5- #عەدنان ڕەشید غەیدان# ، ناسراو بە (عەدنان کانی قادری ).
6- #تاریق محەمەد ئەمین#
7- #فەوزی هادی# ، ناسراو بە (عامر عەرەب)
8- #تالیب ئیبراهیم کامیل# . ناسراو بە (عەلی عەرەب)
تێبینی:
دیمەنێکێک ، لە پڕۆژەی پەڕتووکی ( #ڕەشەبای ژەهر و ئەنفال# )، بەرگی سێیەم و چوارەم و پێنجەم ، چەند هەزار لاپەڕەی، توێژینەوە و نووسین و چیرۆکی تراژیدیای جینۆساید و بەڵگەنامەو ئامارە.
ئەمە پڕۆژە ی مێژووەی جینۆسایدی کورد ە ، لە ساڵی 2010 تا ئێستا 2023 ، ئەوە 13ساڵە ، لە ماڵەوە دانراوە ، چاپ نەکراوە.
[1]