$ئێستا کاتی یاریکردنی کوردە$
#هێڤیدار ئەحمەد#
#24-10-2020#
هەرێمی کوردستان لە ڕووی ئاساییشی نەتەوەییەوە دەبێ ئەم چوار خاڵە سەرەکییە لەبەرچاو بگرێت.
$یەکەم: بەرگریکردن لە مافی کوردستان لە بەغدا$
کاتێک لایەنە کوردستانییەکان لە بەغدا بەهێزبن، ڕاستەوخۆ کاریگەریی لەسەر دۆخی نێوخۆی هەرێمی کوردستانیش دەبێت. پێچەوانەکەشی ڕاستە، لاوازییان لە بەغدا، بە واتای لاوازیشیان دێت لەنێوخۆ.
$دووەم: ناوچە کوردستانییەکانی دەرەوەی ئیدارەی هەرێمی کوردستان$
کورد لەو ناوچانە پێویستی بە خوڕێکخستنەوە هەیە، بەشێوەیەک دەبێ پێشوەختە لایەنە کوردستانییەکان لەنێوخۆی هەرێمی کوردستان پلان دابڕێژن و ڕێکبکەون بۆ ڕێکخستنەوەی ئەو ناوچانە. لە هەڵبژاردنەکانی داهاتووی ئێراق، کورد لەو ناوچانە لاواز بێت، مەترسی بۆ سەر ئاساییشی نەتەوەیی هەرێمی کوردستان دەبێت.
$سێیەم:$ بۆ ئەوەی خاڵی یەکەم و دووەم سەربکەوێ، دەبێ یەکەم هەنگاو لێرەوە لە هەرێمی کوردستان دەستپێبکرێت، ئەویش پەیوەندی نێوخۆی لایەنە سیاسییەکانە، دەبێ هەرچی زووە، ئەم پەیوەندییە بەهێزترببێ بەتایبەت لەنێوان پارتی و یەکێتی، بە مەرجی موراعاتکردنی داخوازی حیزبەکانی دیکەی هەرێمی کوردستان. لانی کەم ئەوانەی لە پەڕڵەمانی کوردستان هێز و کورسییان هەیە. بۆ ئەوەی بتوانین لە بەغدا و ناوچە کوردستانییەکانی دەرەوەی ئیدارەی هەرێم بەهێز دەربکەوین بۆ بەدەستهێنانی مافی خەڵکی خۆمان.
$چوارەم:$ ئەگەر لەم سێ خاڵەی سەرەوەدا، لایەنە سیاسییەکان خۆیان ڕێکخست، ئەوا بۆ پاراستنی بەرژەوەندی گشتی و پاراستنی ئاساییشی نیشتمانی، لایەنی هەرێمی و نێودەوڵەتی وەک لایەنێکی بەهێزی نێو ئێراق بۆ بڕیاردان لە ئاییندەی ئەم وڵاتە، کە ئێستا وا وێنادەکرێ ئێراق لە خراپترین دۆخدایە، پشت بە هێزە کوردستانییەکان ببەستن.
$دەبێ چی بکرێت؟$
پێویستە سەرۆکایەتیی هەرێمی کوردستان بەتایبەت بەڕێز #نێچیرڤان بارزانی#، کە بەوە ناسراوە، ڕێگای نوێ دەدۆزێتەوە و گرێکان دەکاتەوە، لایەنە کوردستانییەکان کۆبکاتەوە و ڕۆڵی سەرەکی خۆی بگێڕێت بۆ کۆکردنەوەی یەکدەنگی لایەنە کوردستانییەکان.
ئەو فاکتەرانەی دەبنە هۆی ئەوەی لەم کاتەدا لایەنە کوردستانییەکان هەنگاوی خۆ ڕێکخستنەوە بنێن و وەک فاکتەرێکی بەهێز لە ئێراقدا دەربکەون ئەوەیە؛
$یەکەم:$ تورکیا بەهۆی سیاسەتی دەرەکی بەرەو تەنگژە و قەیرانی دەرەکی لە جیۆپۆلەتیکی ڕۆژهەڵاتی ناوەڕاست و قەوقاز و بەلقان باری سەرشانی خۆی قوورس کردووە و پەیوەندییە دەرەکییەکانی بەشێوەیەک ئاڵۆزبوون کە کاریگەریی لەسەر پێگە و بەرژەوەندییەکانی بکات .
$دووەم:$ ئێران، لە ڕووی دارایی و ئابوورییەوە لە خراپترین دۆخیدایە و هەموو هێزی سیاسی خۆی بەکارخستووە بۆ چۆنێتی مامەڵەکردنی لەگەڵ درووستبوونی ئەو پەیوەندییە عەرەبی و ئیسرائیلییەی کە بە مەترسیدارترین هەنگاو لەسەر خۆی دەزانێت. هەروەها لەنێو ئێراقیش تەنیا کار بۆ ئەوە دەکات، هاوبەشەکانی لەوەی هەیە لاوازتر نەبن، کە ئەمریکا لە هەموو کات زیاتر کاردەکات بۆ لەنێوبردنی هێزە چەکدارە ئێراقییەکانی سەر بە ئێران لەنێو ئێراقدا.
$سێیەم:$ هیچ کاتێک هێندەی ئێستا لەدوای #داعش#، ئێراق لاواز نەبووە، ئەویش لەلایەک بە خراپترین دۆخی داراییدا تێدەپەڕێت، لەلایەکی دیکە دیار نییە ئێراق بۆ کێ دەمێنێت، هێزە چەکدارەکانی ئێراقی نزیک ئێران؟ یان مستەفا کازمی کە لەلایەن ئەمریکاوە پاڵپشتی دەکرێت؟.
ئێستا گونجاوترین کاتە کورد خۆی ڕێکبخاتەوەو پلانە ستراتیژییەکانی خۆی دیار�%