بنەچەو بەگزاڎەکا هۆرامانی
بەشۊ هەژدەهەمۍ
ئایېر موارۊ وېت لاڎە لە شەڕ
نە سۆزی مەنۊ، نە ۋشک و نە تەڕ
تفەنگچیە هۆرامیەکۍ بە ئازایی و چەمنەتەرسی ئەشناسیێنۍ، بە درېژایی دەسەڵاتە شۊنئاما داگیرکەرانە، ناستەنشا یەسێ جە خاکو هۆرامانی بگنۊ چېردەس، گەر ئانەیچ ڕوەش دێبۊ، وەختی بییەنو هەر زوو دژمەنشا تارنیان.
مەگېڵناوە وەختێ فەرهاد میرزا جە سەفەری یەکەمشەنە پەی مەریوانی، یاوان بە بە هۆرامییەکا، یۊ جە تفەنگچیە ئازاکاشا بە نامۍ (حاجی عەلی کوولەکۍ) ، هەوسارەو ئەسپەکەو فەرهاد میرزایش گېرتەنو پەنەش واتەن:
ئایېر موارۊ ۋېت لاڎە لە شەڕ
نە سۆزی مەنۊ، نە ۋشک و نە تەڕ
ماچا: شازادە فەرهاد میرزای واتەن ئانە سووکایەتیێ فرە گۆرەبۍ پەی من و هەم پەی مامۊیم (ناسرەدین شا) ی، بەلام چا عانەنە ناچار بېنا دڎانۍ گېرو ۋېمەرە.[1]