سەعید گاباری ل ساڵا 1956 ل روژئاڤایێ کوردستانێ ژدایک بوویە و نێزی 50 ساڵان ستران پێشکەشی جەماوەر و پێشمەرگە و بەرخوەدانا وانا کرییە . گاباری کو ژێی خوە یێ زاروکێی ل #حەسەک#ێ بوویە و پشتڕە بەرەف #باشوورێ کوردستان#ێ هاتییە، گاباری ئێک ژ هونەرمەندێن بەرنیاسێن کوردە و چەندین سترانێن بناڤ و بانگ هەنە و گەلەک سترانبێژان سترانێن سەعید گاباری دووبارە و سێ بارە کرینە..
هونەرمەند سەعید گاباری ئێک بوویە ژوان هونەرمەندێن کوو ل سەیدایێ تیرێژ و جگەر خوین نزیک بوویە و گەلەک هەلبەستێن وانا کرینە ستران، ئێک ژ سترانێن وی یێن بناڤ و بانگ بلبلێ دلشادە، کو هەلبەستا سەیدایێ تیرێژە .
گاباری سەرباری هندێ کوو یێ نابینایە، چووەیە دناڤا چیا و پێشمەرگاندە و وەکوو هونەرمەندەک ل ڕێزا شۆڕش و تەڤی وانا بوویە، دگەل سترانێن شۆڕشگێڕی، سترانێن ئەڤینداری و سترانێن بڕەنگێن جودا پێشکەشی گوهدارێن دەنگێ خوە کرینە.
=KTML_Photo_Begin=https://www.kurdipedia.org/files/relatedfiles/2011/22075/0011.JPG=KTML_Photo_Alt=سەعید گاباری=KTML_Style=width:7%;height:20%;float:right;=KTML_Photo_Target_Link=https://www.kurdipedia.org/files/relatedfiles/2011/22075/0011.JPG=KTML_Photo_End=
گاباری گەلەک زلم و زورداری ل سەر دەستێ ڕژێما سەدامێ گور بەگور دیتینە و سەرەرای ژ دەستدانا هەردو چاڤێن خوە ژی، لێ وی دەست ژ هونەرێ ستران گوتنێ نە بەردایە و نە بتنێ ب بزڤا خوە ستران دگوتن، پێشمەرگە بوو و بزوێنەری شورەشا چیایی بوو، مل بملێ پێشمەرگەی، هەر دەم ورەییا پێشمەرگەی بلندکر، دگەل مللەتێ خوە بوو، کەسەکێ چاڤ نە ترس بوو و چ جارەکێ بەرژەوەندخاز نەبوو. وەک گوتنا سترانێ ژی، بیردانکەکا بهێز هەبوو، خەلکی رێز لێ دگرت و سترانێن وی جهێ خوە ددلێ خەلکیدا دروست دکر.
سەعید گاباری د ژیانا خوە یا هەڤژینی یێ دە بابێ هەشت زاروکانە، ل ژیێ 64 ساڵیدە و د ڕوژا 04-05-2020 سەعید گاباری ب ئەگەرا نەخوەشی یا پەنجەشێرێ ل #هەڤلێر#ێ وەغەرا داویێ کر و لسەر وەسیەتا وی بخوە هەر ل هەڤلێرێ هاتە بخاک سپاردن.[1]