#سەرۆ قادر#، بەرپرسی پێشووتری ڕاگەیاندنی #پارتی دیموکراتی کوردستان#، لە لاپەڕەی خۆی لە تۆڕی کۆمەڵایەتی فەیسبووک نووسینێکی دەربارەی ئەزموونی حوکمڕانی کوردستان نووسیوە، ئەمەی خوارەوە پوختەکەیەتی:
- ئێمە لە کوردستاندا خاوەنی حکوومەتێکین کە قەوارەکەمان بەڕێوەدەبات، بەڵام حکوومەتەکە لە دوو ئیدارەییدایە.
- دوو ئیدارەکانمان، لە شەڕی بەردەوامی سارددان و هاوکاریی باشی یەکتر ناکەن.
- حکوومەتی نیشتمانیی ئێمە، گرفتی سەرەکی هەیە، گرفتەکانی بریتین لە دابەشبوون بە دوو ئیدارەیی. دووەم، ڕوانگەی شۆڕشگێرانە بۆ بەڕێوەبردن.
- شۆڕشگێڕان بریتین لەو کەسانەی کە بە درێژایی سەد ساڵی ڕابردوو نەوە دوای نەوە لە دژی داگیرکەر تێکۆشان، بەڵام کاتێک ڕزگاری هاتەپێشەوە، شۆڕشگێڕان بە سرووشتی حاڵ، تاکە هۆکاری بەڕێوەبردنی وڵات بوون.
- شۆڕشگێڕان لە تێکۆشاندا دەرفەتی خوێندن و زانین و کۆکردنەوەی ئەزموونی کۆمەڵایەتی و ئیدارییان لا کەم دەبێتەوە، کاتێکش وەکوو تاکە ئەلتەرناتیف لە وڵاتی ئێمە هاتنەپێشەوە، بەو بێئەزموونیی خۆیان و بە ڕوانگەی خۆیان بۆ ماف بەخۆدان و ماف بە حزبی خۆدان و ماف بە ئایدۆلۆژی خۆدان، ئەزموونێکی 33 ساڵەمان بڕی کە بریتییە لە ئەزموونی سەرنەکەوتووی کارگێڕیی شۆڕشگێڕان. [1]