داری تاقەدار، قەت نابێ بە دار، دۆستی دوور وڵات، قەت نابێ بە یار.
داری پیر ببڕێی بە دار نابێ، دۆستی دوور بە یار نابێ.
تاقەدار: مەبەست لە دارێکە کە لە جێگەیەک بەتەنیا ڕوابێت، ئەگەری هەیە با بیشکێنێتەوە، یان پیرەدار گەر ببڕێ لەوانەیە وشک بێت، لە کوردەواردا خاوەن باخەکان لە وەرزی پاییزدا دار هەڵدەپاچن، بۆ ئەوەی لە بەهاردا هەڵبداتەوە و گەنج ببێتەوە، بەڵام پیرەدار هەڵپاچرێت ئەگەری وشکبوونی هەیە، پەندەکە مەبەست لەوەیە کە کەسی دوورە پەرێز، بۆ دۆستایەتی ناگونجێت. [1]