ناڤ: عەباس
ناڤێ باب: عەزیز
ناسناڤ: لەشکری (ڕەشۆ)
ڕیککەفتا ژدایک بوونێ: #01-07-1960#
جهێ ژدایک بوونێ: #هەڤلێر#
ڕێکەفتا وەغەرا داویی: #13-06-2013#
جهێ وەغەرا داویی: هەڤلێر
$ژیاننامە$
هونەرمەند (عەباس عەزیز لەشکری ) . یێ بەرنیاس ب (ڕەشۆ) ل 01-07-1960 ل باژێڕێ هەڤلێر ژدایک بوویە هونەرمەندەکێ بەرنیاسێ باژێڕێ هەڤلێربوویە ل بووارێ شانۆ و درامایاندە، ل ژیانا هونەریدە هەر ل زاروکی ڤە حەزا هونەرێ هەبوویە و دڤیا دڤی بوارەیدە خزمەتا میللەت و باژێڕێ هەڤلێرێ بکەت، گرنگترین ئەو بەرنامەیێن کو وی سەردەمەی ڕەشۆ و شەمۆ (#ئەیام ئەکرەم#) و کۆمەک هوونەرمەندێن بەرنیاسێن باژێڕێ هەڤلێر پێشکەش دکر بەرنامەیا (دووربین) بوو دگەڵ هەندێک لوان فیلمێن کۆمیدی بەژدار بوویە وەکە ئەکتەرێ سەرەکە، فیلما کۆمیدیا (زەنگ) کو هزر و نڤیسینا (گوڵالە بیلاف) بوویە و ئەکتەرێن سەرەکە پێکهات بوون ل (ڕەشۆ) و (شەمۆ) و (شێرزاد پۆلیس) دگەل (#گوڵاڵە بێلاف#) و فیلما کۆمیدیا (حاجی لێزەر) ل ساڵا (2006) ل بەڵاڤوکێن (ئەربائیلۆ) بوویە، کو هزر و نڤیسینا (#فرمێسک دزەیی# ) بوویە و هەروەسا فیلما ئەپڵ ئاکشن کو بیروکە و نڤیسینا (#شاخەوان کاکە مەم#) بوویە، کۆمەک ل هونەرمەندێن باژێڕێ هەڤلێر پشکداری لڤان فیلمان دە کربوو، ئەڤە بەشەک بوون لوان فیلمان و زورین دن هەنە کو پێک هاتبوون. ل شانۆ و دراما و فیلم و تەمسیلی کو ل زوربەیا هەرە زوورا وانا ڕوڵا سەرەکە هەبوویە ل سەردەمێ ساڵێن 90 دهاتن پەخش کرن ، بلی ل هونەرمەندی یێ، کارمەندێ کەناڵا زاگرۆس TV بوویە کو کارێ دەرهینانێ دکر لڤێ کەناڵێ هەروەسا کامێرامانێ کۆمبوونێن تایبەت یێن (#مەسعود بارزانی#) و (#فەڕەنسۆ هەریری# ) و (#نێچیرڤان بارزانی#) بوویە کو وەکە نینەرێ کەناڵا زاگرۆس لەور ئامادە دبوو، خوەدیێ دوو هەجژینان بوویە کو ئێک ژوان ب نەخوەشی وەغەرا داویێ کرییە. خێزانا دووەم ل ژیان دا مایە و خوەدیێ سێ کوڕانە، کوڕێ وی یێ مەزن هاوکار عەباس و یێ دن هاودەنگ عەباس و یێ بچیک هاویار عەباس بوویە.
(ڕەشۆ ) ب نەخوەشیا درێژخایەنا شەکرێ دناڵاند و ب مخابنیڤە ل 13-06-2013 ل ماڵا خوە و ل باژێرێ هەڤلێرێ ب جەڵدەیا دل وەغەرا دوایێ کر .[1]