ئەجۊ وەزیش پەی مژماری:
وەز ئەژمارای هەرمانێ وەش هەنە، دوۍ نەفەری ئیڎەس و ئۆڎەس منیشارە، مېیانشانە گوڼیێ یاوارەو دەمەکەیش واز کەران، دەس کەرا بە وەز ئەژمارای، هەر لامشتێ پەنج وەزیش کەرانە، یانی چەنی گرد جارێ هەر نەفەرێشا دە وەزی هۊرگېرۊن، فڕەشا مڎۊ پەی دلۍ دەمو گونیەکەی، هەر دە وەزی پەنەشان ماچان (دەسێ) ، ئەپا تەرزە خەریکۍ مەبانۍ هەتا مېیاوان بە سەڎ دەسۍ، یانی هەزارێ وەزی.
ئا هەرمانۍ پېسە ئیدیۆمێچ بەکارئامێنە، گەر قسۍ کەری پەی کەسێ، ئاڎ خېیاڵش لاو تۊوە نەبۊ، ماچی: ئەجۊ وەزیش پەی مژماری! ئاگاش نېیەن چېگەی.
ڕەنگە چانەیۊ ئامابو هەکە کەردارو وەز ئەژمارای جۊره جە تەقە تەقێش چەنەن، پېسە واتەنشا: من قسېش پەی کەرو، ئاڎ تەقەو سەرەیش مێ.[1]