ب دەستووری خودێ

رۆژەکێ ئەز سەفەر بووم
ل خلمەتا پەدشێ خۆیێ ئەکبەر بووم
ل دەفتەرا مەلک فەخرەدین ئەزی ب دەردبووم

***
چەند سەبەقێن پیرۆز ژ قەولێ فروارێ :-

رۆژەکێ ل لالشە
عەرەفاتە و گوش گوشە
حالێ عەزیز مەلک فەخرەدین حالەکی نەخۆشە

***
رۆژەکێ ل مەدینە
ل مێرا جەمادبوون خەزینە
بۆ خاترا ستیا زینە

***
چ رۆژەکە غروورە
ل مێرا جەما دبوون جندیێت ب نوورە
عەزیز مەلک فەخرەدین ھاتە بەر حدوورە

***

رۆژەکێ ژ رۆژانە
ل مێرا جەما دبوون علم زانە
برانۆ : وەرن ب مرنێ ڕا بدەن بەیانە

***
دلێ منی ب خەمە
ئەزێ ژ عالەما پسیار دکەمە
عەزیز مەلک فەخرەدین ل چارشەمبوویێ بووە و ل چارشەمبوویێ گوھاست قەدەمە

***

مەلک فەخرەدین گۆت :-
برانۆ ھوون برایێت منن
چو نەدرا ل من نەگرن
سەعی کەن ئەمێ بمرن

***
خودێ یۆ ب مە بدەی دەبرا
بەندا قەبوول بکەی نەدرا
مە چو سەبر نائێت بێ برا

***
خودێ یۆ تویی جەبێری
تو ل جەم ھەمووا مێرا یی ھەژمێری
ل حالێ برای بکەی سەخبێری

***
برانۆ ھوون برایێت منن زەرگوونن
خاترا دلێ من تێک ببینن
پشتی من ( شێخ فەخری ) ئادیا نە ئێشینن

***
ھەتا ئەزی خۆش بووم
ئەز فەخرێ رەش بووم
ب دیندارا برایای خۆش بووم

***
یێ تەمام خودێ یە.[1]