ب دەستووری خودێ
ئیرۆ ل مەعیدە
ئاغێ مە سلتان ئێزیدە
قەرە بێراقا رەش وا د پێشیا ویدە
ھۆل ھۆلا سلتان ئێزیدە
***
سلتان ئێزی ب خۆ پەدشایە
ھەزار و ئێک ناڤ ل خۆ دانایە
ناڤێ مەزن ھەر خودایە
***
ناڤێ مەزن سلتان ئێزیدە
دەرکەفتیە قەلەمان و دەویتە
غافلا عنکار کر گۆ مەنە دی ته
***
غافلا عنکار کر گۆ مە نە دی یە
سلتان ئێزی سوڕا مەلکێ بێری یە
ل ناڤ خاسا ئی سوڕ مخفی یە
***
یا سلتان ئێزی توێ ل عەردا توێ ل سەما
توێ ل لەوحا توێ ل قەلەما
توێ ل شاھیا توێ ل خەما
***
تو عەورا دگەرینی تو بارانێ د بارینی
تو بەحرێت گران د مەیینی تو ڤێ دنیایێ ب کار تینی
تو بۆ مە مەسەب و دینی
سەد خۆزما من ب وێ روحێ بە تو بدەیێ و تو ژێ نەستینی
***
یا سلتان ئێزی تو میرێ ڤێ دنیایێ کەرەمدێری
کەرەمداری تو یی خەبیری
یا سلتان ئێزی ژ ئەول ھەتا ب ئاخر مە تو ل بیری
***
یێ تەمام خودێ یە. [1]