ب دەستووری خودێ

دێ بانددەت مەلک ل ئادی
بلا بێن ئەو ئەفەندی و ئەو قادی
ئەوێ ب قانون و حەد و سەدێن من نەد بوون رازی

***
دێ داھر بتن مەھدی
نامینت نە ئەفەندی و نە قادی
ھنگی ئێزیدخان دێ ھەسابی

***

چەند سەبەقێن پیرۆز ژ قەولێ رۆژەکێ سەفەربووم

رۆژەکێ ئەز سەفەربووم
ل خلمەتا پەدشێ خۆیێ ئەکبەر بووم
ل دەفتەرا مەلک فەخرەدین ئەزی ب دەردبووم

***
ل خۆ زێدە نەکەن بەھایە
دێ ب چەنگلێ وە گرن و بەنە بەر شرعایە
دا سبەی ل ئاخرەتێ ل وە گیرۆ نەبن یار و برایە

***
یاسلتان ئێزی مە ب تە مەفەرە
ل وێ دیوانێ ل وێ مەھدەرێ وەرە
ئێزیدخانە کەفتە موخاترە

***
بانگا منە شێخ فەخرێ ئادیا
توویی سەرافێ دوڕان و ھندیا
توو ھاوەکێ بدە مە ئێزدیا

***
ئەو بوو کاسا نوورینە
دابووە مێرا ب نەھینە
ھندەکا ڤەدخوار پێ دبوون جندیێت سلتینە
ھندەکا ڤەدخوار پێ دبوون دینە

***
ئەو بوو کاسا ژ دێرە
ساقی ب خۆ جەبێرە
پێ حالدار دبوون مێرە

***
مێر پێ دبوون حالدارە
وێ دکەن گازی و ھاوارە
خودێ ئێکە و ناڤێت وی ھەزارە

***
ژ قەولێ مسکینێ ژارە
ھنجیێ ل قەولێت شیخادی و دەفتەرا مەلک فەخرەدین بکەت عنکارە
دێ ل ئاخرەتێ بۆڕا ڤەژوێرن دۆژێ و نارە

***
یێ تەمام خودێ یە.[1]