ناڤ: عەلی
ناسناڤ: سەید عەلی ئەسغەرێ کوردستانی
ناڤێ بابی: نیزامەددین
جهێ ژدایک بوونێ: گوندێ (سەڵوەت ئاوا) یێ نزیک باژێڕێ #سنە#
ساڵا ژدایک بوونێ: 1882
جهێ وەغەرا داویی: گوندێ (سەڵوەت ئاوا) یێ نزیک باژێڕێ سنە
ڕوژا وەغەرا داویی: #06-08-1936#
$ژیاننامە$
ناڤێ وی سەیید عەلی کوڕێ سەیید نیزامەددینی یێ کوڕێ سەیید جامییە، ساڵا 1882 ل گوندێ (سەڵوەت ئاوا) یێ نزیک باژێڕێ سنە ل ماڵباتەکە ئایینی و بەرنیاس ژدایکبوویە. ب زاروکینی کەتییە بەر خوەندنا ئایین ل حوجرە و مزگەفتان و لدەف ماموستا عەبدولموئمینێ مەردۆخ و چەند ماموستایەکێن دن یێن باژێڕێ سنە فێری خوەندەواریێ بوویە و شەهرەزایی ل دەرسێن دیینی دە پەیدا کرییە.
هەر وی سەردەمەیش بەهرەیا دەنگ خوەشیێ تیدە دەرکەتییە و بوویە ئێک ژ هەرە دەنگ خوەشێن باژێڕێ سنە ل بوونە و مەڕاسیمێن ئایینی دە. سەیید عەلی ئەسغەرێ کوردستانی وەکە سۆفی ژیایە و نەکەتییە دویف ماڵی دنیایێ و زوربەیا دەمێن خوە ب دوعا و نزایان و ڤەخوەندنا ئەدەبیاتا کوردیی بسەر برییە. ساڵا 1905 ژیانا هەڤژینیێ پێک ئانییە، پەیوەندییەکە توند و توڵ دگەل ئەشڕاف و ناڤدارێن باژێڕێ سنە و دەوروبەرێ وێ درووست کرییە. پشتی تمام بوونا شەڕێ ئێکەمێ جیهانی هەوڵا هندێ دا کوو سترانێن ڕەسەنێن کوردی لسەر قەوانا تومار بکەت و پتر ل چواردە ستران ژبو کۆمپانیایێن وی سەردەمەی تۆمارکرینە. سەیید عەلی ئەسغەر ئەو هونەرمەندێ بلیمەتە کو مەقامێن ڕەسەن یێن کوردی پاراستن و هەلبەستێن مەزن یێن شاعیرێن پایەبەرز یێن کورد کرینە ستران.
لسەر دەستێ شێخ عەلی حسامەددین تەریقەتی نەقشی وەرگرتییە و لوان چار جارێن کو سەردانا باشوورێ کوردستانێ کرییە و سێ جاران بو زیارەتا #بیارە#یا دەڤەرا #هەورامان#ێ بویە. پشتی سەردانا ڤی هونەرمەندێ مەزن ژبو باشوورێ کوردستانێ ساڵا 1935 بوو کوو ل ڕییا قەسری شیرینێ ڕە خوە گەهاندە بەغدایێ و لەوێرێ ب دیدارا #شێخ مەحمود# شاد بوو، لسەرێ ڤەگەڕیانێشدە ژبو هەیامەک ل #کەرکووک# و #سلێمانی# مایەڤە. ئەڤ ماموستایێ مەزن یێ مەقامێن کوردی ل #06-08-1936# ل ژیێ 54 ساڵیدە وەغەرا دوایێ کرییە و ل گوندێ هاتە بخاک سپاردن.[1]