ناونیشانی پەرتووک: دووبەیتی بە تامی پەندی پێشینیان
ناوی نووسەر: ئەنوەر ئەژراک (ئەژی)
شوێنی چاپ: سوید
دەزگای پەخش: 49 کتێب
ساڵی چاپ: 2022
ژمارەی چاپ: چاپی دووەم
لەم پەرتووکەدا مەبەست هێنانی دووبەیتی بە تامی پەندە، نەک پەندەکان بە دووبەیتی کردن. لە ڕاستیدا جوان و ڕازاوە کردنی دوو بەیتییە بە ئامرازی جوانی پەند.
مەبەستی نووسەر کۆکردنەوەی هەموو پەندەکان نەبووە. نووسەر لە پێشەکیدا دەڵێ: تەنیا ئەوانەم خستووەتە بەر ئاوێنەی هۆنراوە کە پێم گرینگتر و گونجاوتر بوون. هەوڵم داوە پەندەکان دەقاودەق بخەمە چوارتوێی هۆنراوە. ئەگەر جاروبار لەو یاسا خۆکردە جوانە لام دابێ با بزانی کێشە لەژێر سەری کێش و کارتێکەری زمانی ئەدەبی دایە. بەردەست بوونی دەقی پەندەکان لە پەڕاوێزی خۆیدا بۆ قەرەبوو کردنەوەی ئەوەیە. هەروەها هەوڵم داوە، بە دووبەیتی و بە شێوازێکی نوێ بیان نووسمەوە. بۆ هەر کامەیان چیرۆکێکم هێناوە کە ڕەنگە پەندەکە شی کاتەوە و بەرچاوڕوونی بە خوێنەر بدا. [1]