=KTML_Bold=63 sal berê li Sînema Amûdê 283 zarokên Kurd hatin qetilkirin=KTML_End=

Di ser mirina 283 #zarokên Kurd# ên ku di 13ê Mijdara 1960an de li #sînema Amûdê# hatibûn qetilkirin 63 sal derbas bûn.
Di dema ku şerê serxwebûna Cezayîrê li dijî dagirkeriya Fransa dihat kirin, ji bo temaşekirina fîlmê Misrî Cerîmet Nisif el-Leyl (Cerîmet Nisif el-Leyl) salona sînemaya Amûdê (ku tenê cîhê 120 kesî di salonê de hebû) bi 500 zarokên ku piraniya wan Kurd bûn hat dagirtin. Fîlm behsa Şoreşa Cezayîrê dikir û ji bo piştgiriya berxwedana Cezayîrê hatibû kişandin.
Şewata ku piştî beşa nîv saetê li beşa perdeya sînemayê dest pê kir, bi lez û bez belavî tevahiya salonê bû.
Di dema şewatê de du deriyên teng ên salona sînemayê ya 130 metrekare jî girtî man. Sînemaya ku avahiyek darîn bû, agir pê ket û di demek kin de hilweşiya. Di şewatê de 283 zarokên 8-14 salî jiyana xwe ji dest dan.
Di derbarê vê bûyerê de jî lêpirsîn nehat kirin. Piştî bûyerê yekser rayedarên Sûriyê gotin, “Ev qeder e. “Tiştekî bê kirin tuneye” û diyar kirin ku şewata sînemayê ji ber xeletiyek teknîkî derketiye. Lê belê di dema bûyerê de teknîk û xebatkarên sînemayê zirar nedîtin, leşkeran mudaxele nekir, derî hatin kilîtkirin û lêpirsîn nehat kirin. Ev yek rasterast nîşana qetlîamê bû.
Li Baxçê Pakrewanê ku li ser cihê salona sînemayê hatiye çêkirin, wêneyê Mihemedê Seîd Axayê Deqorî (1928-1960) ku di dema komkujiyê de gelek zarok ji êgir rizgar kirine, heye.
Her wiha di parkê de bîrek avê heye ku bi dehan zarokan xwe ji salona sînemaya şewitî avêtibûn, li ser dîwarê sînemayê abîdeyek bi nav û wêneyên zarokên jiyana xwe ji dest dane heye.[1]