هۊرگېڵنی کوردی .هۆرامی_ کوردی. سۆرانی
نویستەی: #ئاکۆ مارانی#
تازۆکەرڎەی/بەڕۊکەرڎەی
(هۊرگېڵنی: ک.هۆرامی - ک.سۆرانی، ک.سۆرانی - ک.هۆرامی)
ئارۊ (2023/12/12) بە بەشداری و پەشتیۋانی کاک (سالم مەحیەدین تەۋېڵەی salm.mahiadin.hawrami ) هەزار ۋاچۍ تەرۍ پەی ۋاچەڎانو (هۊرگېڵنی ک.هۆرامی - ک.سۆرانی) زېیاڎۍ کریێ.
بە هېمەتو کاک سالم مەحیەدینی و ئازیزا تەرۍ، ڕۊبەڕۊ ئی هۊرگېڵنە شان بە شانو پڕۆژە دیجیتاڵییەکا تەری ئاسانکاری و خزمەتگوزاری بە وانیارە کورڎیی-زۋانەکا (لوڕی تاکو لەکۍ و کەلهوڕی و هۆرامۍ و سۆرانۍ و کورمانجۍ و زازایۍ ) کەرۊ؛ پەرەپنەدای ئی هۊرگېڵنەیە یان هەر پڕۆژېۋی تەرو دیجیتاڵیزە کەرڎەی زۋانە کورڎییەکا بەتاییبەت زۋانی هۆرامی و کەلهوڕی و لەکی و لوڕی و دیالێکتەکاشا ئەرکو گرڎ کەسېۋی هەن، کە وېش ۋەراۋەرو کۊمەڵۍ و زۋانو وېش ۋەرپەرس بزانۊ.
هەرپاسە ئېمە (چالاکۍ هۊرگېڵنە هۆرامییەکا) هومېڎوازۍ هەنمۍ، کە نۋیسەرۍ فەرهەنگە هۆرامییە چاپکریا و ۋەڵاکریاکا پېسەو دڵسۊزیېۋی بەشداری چالاکانە بکەرا و بە کېیاستەی داتاو فەرهەنگەیشا ئی پڕۆژا تەسەلتەر بکەرا.
https://lingojam.com/embed/k-Horami-k-Sorani-Translator
بەکاربەرۍ بەڕێزە، بەکاربەری بەڕێز، پەی بەکاربەرڎەی هۊرگېڵنەکەی سەرو ئا لینکەیە کلیک کەرڎۍ و ئەر هەڵۍ و ناجۊریۍ ۋەرو چەماتا کۆتۍ، پېسەو هامکاری و پەشتیۋانی پڕۆژەکەی، هەڵەکا دەسنیشانۍ کەرڎۍ و بنۋیسدېۋە و پەی ئېمەشا کېیاندۍ.
پېسەو پەشتیۋانی چە پڕۆژەو هۊرگېڵنی (هۆرامی - سۆرانی ، سورانی - هۆرامی) چە ڕاو تۊڕە کۊمەڵایەتییەکاۋە ئا لینکەیە پەی یارا و یاۋارا و خوېشاو ویتا کېیاندۍ.[1]