#ئەحمەد حاجی ڕەشید#، پەڕڵەمانتارى پێشووى ئێراق دەڵێت: هیچ کێشەیەکى دارایی لە هەرێمى کوردستان نییە، ئەوەى هەیە حکوومەتى هەرێمە قەیرانى درووستکردووە و مووچە دابەش ناکات.
ئەحمەد حاجى ڕەشید دەشڵێت: تا ئێستا پارتە دەسەڵاتدارەکانی هەرێم نەوت لەناوخۆ دەفرۆشن و لە ڕێگەی بارهەڵگرەوە بۆ تورکیا و ئێرانیشى دەنێرن، کە ئەمەش داهاتى هەیە، بەڵام حکومەت نایداتە مووچە بۆ فەرمانبەران.
#حکومەتی هەرێمی کوردستان# نایەوێت ڕێگەچارە بۆ ئەو قەیرانە ئابوورییەی ئێستا بدۆزێتەوە، بەهۆی خواستی بەردەوامیدان بە ئیمتیازات و دزییەکانى خۆیان.
ڕەشید هێمای بۆ ئەوەش کرد، هەرێمی کوردستان ڕووبەڕووی ساڵێکی تری سەختی دارایی دەبێتەوە، ئەگەر حکومەتی هەرێم لەگەڵ حکوومەتى ئێراق نەگاتە ڕێککەوتنێکی خێرا. [1]