کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەکەمە
میللەتو کورڎی هەرچن تاریخێ کۊنش هەن سەرو ئی زەمینەیۆ، چەنی ئانەیچە ئی سەرزەمینو کوردەواریە وەڵۍ کورڎینە چڼین میللەتۍ تەرېش سەرۆ ژیوێنۍ، کە ڕەنگە بڕێشان وەڵینۍ میللەتو کورڎی بان، یانی کورد زادەو ئا میللەتە وەڵینا بۊن.
دلۍ مەڕ و کەش و دەشتاییەکانە چڼین شۊنەوارۍ کۊنۍ ئیزیێنێ کە تەمەنشان مەگېڵۊوە پەی چەرخە کۊنەکا وەڵۍ زایینی، ئانەی نیشانە مڎان سەرو ئی زەمینو کوردەواریۆ ئا میللەتۍ ژیوێنۍ و شارەسانیێ دیاریکریاشان بییەن، ئەچېگەنە بەپاو تاریخو شۊنەوارەکا کە ئیزیێنێ تۊمارېشان مەکەرمېن.
* ئېستەیۆ چڼین پارچە کەرەسە تەۋەنینا کە بەکارئامێنۍ پەی ڕاوەشکاری، چەنی بڕێ پېشە تەۋەنینا ئاژەڵا پېسە فیل و گاۋە و مەی و بزا، نزیک بە دوۍ کیلومەترا ناوچەی تەۋەنینو سەرنیشتو وەرکۆتو چەمچەماڵی، کە جە لاو کیانیێوە ئەمریکایی زانکۊ شیکاگۆی ئېزیێنێ، تەمەنشان مەگېڵۊوە پەی ساڵەکا ( 600000 - 100000) وەڵۍ زایینی.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]