ناڤ: ئەحلام
ناڤێ بابی: مەنسوور
$ژیاننامە$
ل ساڵا 1951 ل باژێڕێ #خانەقین# ژدایک بوویە.
ل ساڵا 1962 قوناغا دەستپێکی یا خوەندنا خوە تمام کرییە.
ل ساڵا 1970 ئامادەیی و ل ساڵا 1974 کۆلیژا ئەدەبیاتێ پشکا زمانێ کوردی تمام کرییە.
ل ساڵا 1981 کۆما چیرۆکێن (پرد) ب چاپ گەهاندییە.
ل ساڵا 1999 باوەڕناما ماستێرێ ل کورتە چیرۆکێن کوردی دە وەرگرتییە.
ئەحلام مەنسوور ئەستێرەکە پڕشنگدارە د ناڤا ئەدەب و ڕەوشنبیرییا کوردیدە. ئەو وەکە ژنەکا بوێر و یاخی و نەترس و ل گەرمیانێ ڕە وەکە ئێکەم ژن هاتە دناڤا خەباتا سەختا ڕەوشنبیری و شارستانی دە و جێ دەستێ وێ د خزمەت کرنا ئەو ڤێ چەندێ دە ل ناڤا ئەدەبا کوردی یا دیارە.
ئەحلام ساڵا 1951 ل باژێڕێ خانەقین ژدایک بوویە. ل خانەقین و بەغدایێ خوەندییە و ساڵا 1974 پشکا کوردی یا کۆلیجا ئەدەبیاتا زانینگەها بەغدایێ تمام کرییە و هەر ل هەمان شار باوەڕناما ماستەرێ ژی بدەست خوەڤە ئیناندییە. ل دەستپێکا ساڵێن حەفتێ یا سەد ساڵا ڕابوهری وەکە ژنەکە ئازا و پێشەنگ هاتیە ناڤا دنیایا ئەدەب و نڤیسینێ وەک چیرۆکنڤیس و ڕۆمان نڤیس و نڤیسەر خزمەت کرییە و بەرهەمێن وێ ڕەنگڤەدانا ڕاستەڕاست یا ژیانا جڤاکێ کوردەواری ب گشتی و باژێڕێ خانەقین ب تایبەتی بوویە.
کۆمەڵە چیرۆکا (پرد) ب ئێکەم بەرهەمێ وێ دهێتە دەینان و پشتڕە ب ڕۆمانێن (ئامە ڕەش) و (ئەڵوەن) شیان و سەلیقەیا خوە یا ئەدەبی دەرخست. چەند پەرتووکێن دن ژی بەڵاڤ کرینە، وەکە: (خەون و خوێن) و (دیس تۆپیا). ژبلی چیرۆک و ڕۆمانان، ئەحلام مەنسوور گوتار ژی نڤیسینە و گوتارێن وێ ب نەترسی هاتینە نڤیسین و بەڵاڤ کرن و ڕەخنەیێن ئاشکرە ل دەردۆرێ خوە و جڤاکێ خوە گرتینە. ئەحلام وەکە کەسەکا ئەکادیمی و ماموستایا زانینگەهێ ل هەر دوو زانینگەهێن #سلێمانی# و #کۆیە# خزمەت ب رەوتا خوەندن و فێربوونێ کرییە.
ئەڤ ژنا کورد یا ژێهاتی ل ڕوژ #10-01-2013# ژبو داوی جار ل باژێڕێ سلێمانیێ ماڵئاڤاهی کر و ل گۆڕستانی (خدر زندە) ل باژێڕێ خانەقینێ یا زێدێ خوە هاتە بخاک سپارتن . [1]