بەشداریم جە ئەشناسای ڕۊمانەو (گېجاوەو ژیوای)
بەشدار بییەیم جە کۆنیشتو ئەشناسناو وڵاوکەردەی ڕۊمانەو (گێجاوەو ژیوای) بە ئامادەبییە نویسەر و ڕۊمانەکەی ئێژا مامۊسا (ئیبراهیم میکە) . ڕۊمانەکە جە لاو پەیجۊرکاری ئەدەبی ئێژا (جەلیل عەباسی) وانایۆیش پەی کریا. کۆنیشتەکە جەلاو سەنتەرو یانەو سیاوچەمانەیۊ سازدریا بێ.
دەسوەشیما پەی گرد لایێ.
ڕۆمانەو گێجاوەو ژیوای یۆنە چاڕۆمانە پەڕ بەرزی و نزمیا هەکە بوان کاتێ یوەم پەلەی کەرۊوە پەی وانایۆش کەڵکەڵەو ئانەیە وزۆنە مەژگش هەکە نەمدرۆ و تاکو نەتەمامنۊش دەس هۆرنەگېرۆ. بەڕاسی ئینە تواناو هازی و سەلیقەو بنوویسی کاک (ئیبراهیم میکە) ی بەرۋزو پەی نوویستەی و هورچنیەی بابەتەکاش هەکە بەجۊرێ ڕېکش وستێنی. جڵەو دەس و بوانیۆ نمازۊو گنینە چېرو بارو ڕۊمانەکیوەو مشۊم گردی بوانیۆ، بەجۊرێ پەیجوریش کەردەن پەی واچەکا هەکە هەر یۆشاو دیمەنێوە زەریفی دراماتیکی پیشانەمدۆو ئانەی بە سەلیقەو ئاوەزۆ وانۊشۆ بەرەجیۆش وېش یۆن جەکارەکتەرەکا دلێ ڕۊمانەکەی و بەجۊرێوە هەکە نیشتەبۊرە دیارو وینایۆ وېشۆ دلێ فلیمێوە سینەماینە، هەکە دلی جوانی سروشتی ڕازیاوەو کەش و کۆکا کوردسانییەرەو دلێ دەگا ڕەنگینەکاشەنە وانەر سەرەش سوڕمەنو چا جوانیاو بەچەمۍ ژیری و ئاوەزیش وینۊشا.
هەمیشە هیواو سڵامەتی و سەربەرزی پەی کاک ئیبراهیمی موازوو، پەنەوازەنا خوڎاگېیان سڵامەت و سەربەرزش کەرۊ. چەماڕێ نوویستەی زیاتەرینمێ جە مامۊسای وەشەویسی.
هاوسەر هۆرامی.[1]