کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: #ئەسعەد ڕەشید#
بەشې نۊزڎەهەمە
* ساڵەو (1370-- 1330) وەڵۍ زایینی
* ئەچی ساڵېنە پاشاو هەتیتی بە نامۍ (یوبی لوکمە) نامۍ میللەتێش بەردېنە بە نامۍ کورد_ جورد، کە ڕەنگە بابایانو کوردانی بان. ئی بەڵگە ئانەیە نیشانە مڎۊن هەکە میللەتو کوردی وەڵینێوە دوور و تاریخیش بیەن و هەن.
* هەر ئەچی ساڵېنە سەروەختو فەرمانڕەوایی خاراخارداشی کاشی بیەن، کە ئی پاشا کناچۍ پاشاو ئاشووری (ئاشوور ئوبالیتی) ش مارە کەردېنە.
* ئەچی ساڵېوە، یانی ساڵەو (1370) وەڵۍ زایینی تاکو ساڵەو (1349) وەڵۍ زایینی سەردەمو فەرمانڕەوایی پاشای میسری (ئامون حوتبی چوارەم_ ئەخناتون) ی بیەن، ئی پاشا شازادەو میتانی (تادوهیبا_ نێڤەرتیتیی) ش مارە کەردېنە، ئا نزیک بیەیۆ بیەن بە مەڵامەتێ پەی ئاشتی و نزیکی میسرییەکا و میتانییەکا.
* ساڵو (1365) وەڵۍ زایینی تاکو ساڵەو (1330) وەڵۍ زایینی ماوەو فەرمانڕەوایی ئاشوور ئۆبلەتی یەکەمی پاشاو ئاشوورییەکا کە چا سەردەمو دەسەڵاتیشەنە پاشانشینو میتانییەکاش ۋڕنان.[1]