کورد دلۍ چەرخەکا تاریخینە
بەشۍ: ویس و ششەمە
نویستەی: #هاوڕێ باخەوان#
ساڵەو (884- 880) وەڵۍ زایینی ئاشوور ناسرپاڵی دوەم چوار جار هېرشەش کەردېنە سەرو لۆلۆییەکا، بە هۊکارو ئا پەلاماراوە بەعزێ جە شوڕشگېڕە لۆلۆییەکا پەناشان بەردېنە پەی کەشو پیرەمەگروونی.
ساڵەو (881 و.ز) مېیانو لۆلۆییەکا و ئاشوورییەکانە جە ناوچەو زاموای جەنگێ گۆرە قۊمیان.
دمای ساڵێ چی تاریخەیە، یانی ساڵەو (880 و.ز) ناوچەو زاموای سەربەوېیی وېش بەدەس ئاوەردەن.
ساڵەو (859 و.ز) شەلماناسەری پاشاو ئاشووری هېرشش کەرد سەرو ناوچەو زاموای و ناوچەکۍ تاسڵوجەی و گڵەزەردەیش داگیرۍ کەردۍ.
هەر ئەچی ساڵېنە کاکیا – کاکی سەرۆکێوە مادی بېیەن و فەرمانڕەواو ناوچەکانو سەرنیشتو ئاشووری بېیەن.[1]