کورد دلۍ چەرخەکا تاریخینە
بەشۍ: سی و هەشتەمە
نویستەی: #هاوڕێ باخەوان#
مانگەو یەرۍ، ساڵەو (673 و.ز) مادەکۍ خېزیێ دژو ئاشوورییەکا.
مانگەو یەرۍ، ساڵەو (672 و.ز) ئاشوورییەکۍ کۆتۍ گفت و گۊ چە نی شۆڕشگېڕە مادەکا.هەر ئەچی ساڵېنە پێمانێ مېیانو ئەسەرحەدونی پاشاو ئاشوورییەکا و ڕاماتای سەرۊکو ناوچەو ئوڕوکازابارنای مادی مۊرە کریا. هەر ئەچی ساڵېنە (بوردادا- بەرەزەدای) سەرکەردێ مادەکا بېیەن دلۍ ناوچەو گۆلی ورمێ.
جە ساڵەکانو (669 تاکو 652 و.ز) تۊمارە ئاشوورییەکۍ نامۍ پاشاکا مادیشان پېسە پاشای سەربەۋۍ باسکەردەن.
ساڵەو (668 و.ز) گوشتاسپ بېیەن بە پاشاو مادەکا.
ساڵەو (660 و.ز) ئاشوورییەکۍ دیسان دەسشان کەردەن بە پەلاماردای ناوچەکانو زاگروسی. هەر ئەچی ساڵېنە پېخامئاوەرو کوردی (زەردەشت) دلۍ شارو ورمێ، وەکۆتو کوردەسانی ئامان دنیاوە.[1]