کورد دلۍ چەرخەکا تاریخینە
بەشۍ: چلهەمە
نویستەی: #هاوڕێ باخەوان#
ساڵەو (625 و.ز) : ئەچی ساڵېنە چڼیین قومیێ سەرو تەختە گڵېنەکاوە تۊمارۍ کریێنۍ:
ئەچی ساڵېوە تاکو ساڵەو (593 و.ز) فەترەو فەرمانڕەوایی پاشاو مادی کەی ئەخسار- کەی خەسرەوی بېیەن، تاوانش ئا میرنشینە مادا کە پەی ماوێ چېردەسۍ ئەسکیتیدیینە بېنۍ، سەرجەنۊ یۊشا ۋزۊوە. هەر ئەچی ساڵېنە تاکو ساڵەو (615 و.ز) چن پاشانشینێ گولانۍ چواردۆرو میدیاینە دلېنەشیۍ و وزیێ سەرو میدیای. ئەچی ساڵېنە ئەسکیتییەکۍ هېرششان کەردەن سەرو مادەکانی. هەم دمای ئا ساڵۍ میدیا چېرو ڕکېفو ئەسکیتییەکانە ڕزگارش بی.
ساڵەو (624 و.ز) تاکو ساڵەو (585 و.ز) : ماوەو فەرمانڕەوایی پاشاو مادی کیاکسار – کەی ئەخساری بېیەن.
ساڵەو (616 و.ز) تاکو ساڵەو (615 و.ز) : کیاکسار پاشاو مادی خاکو ماڼایش وستەن سەرو میدیای. هەر چی ساڵېنە هېرشەو ئاشوورییەکا پەی سەرو کەرکووکی ڕوەش دێنە، بەڵام نەتاوانشان داگیرش بکەران.[1]