ئەمڕۆ پێنجشەممە #18-01-2024# #مەسرور بارزانی#، سەرۆکی #حکومەتی هەرێمی کوردستان#، لە داڤۆس، لەگەڵ دەیڤد کامیرۆن، وەزیری دەرەوەی شانشینی یەکگرتوو کۆبووەوە.
تەوەری سەرەکیى کۆبوونەوە، گفتوگۆکردن بوو لەبارەی هێرشی ئێران بۆ سەر #هەولێر#. وەزیری دەرەوەی بەریتانیا پرسە و هاوخەمیى خۆی بە سەرۆکی حکومەت گەیاند و هێرشەکەی بەتوندی سەرکۆنە کرد و وتی هیچ پاساوێکی نییە و دەستدرێژییە بۆ سەروەریى ئێراق و قبووڵکراو نییە.
سەرۆکی حکومەت سوپاسی هاوخەمی و پشتیووانیی بەریتانیای کرد.
هەردوولا هاوڕابوون لەسەر بەردەوامبوونی هاریکاری و هەماهەنگی بۆ ڕووبەڕووبوونەوەی تیرۆریستانی #داعش# و تیرۆر بەگشتی.
پەرەپێدانی پەیوەندیی دۆستانەی نێوان هەرێمی کوردستان و بەریتانیا و گرنگیی چارەسەرکردنی کێشەکانی هەرێمی کوردستان و حکومەتی فیدراڵ و دابینکردنی مافە دەستووری و شایستە داراییەکانی هەرێم، تەوەرێکی دیکەی کۆبوونەوە بوو. [1]