کورد دلۍ چەرخەکا تاریخینە
بەشۍ: نەوەڎ و پەنجەمە
نویستەی: #هاوڕێ باخەوان#

ساڵەو (1600ز): ئەچی ساڵېنە دژمەنی و دوەبەرەیی کۆتەن مېیانو بنەیانەو سەردارەکا خېڵو موکری دلۍ وەرکۆتو کوردەسانینە.
ساڵەو (1601ز): عەلی بەگ، میرو سۆرانی ئەچی ساڵېنە پردێ پان و پۊڕەش سەرو ڕۊخانەو باڵەکیان و ڕەواندوزیۆ وەشەکەردېنە، نامۍ (گەلی عەلی بەگی) مەگېڵۊوە پەی ئی میرەیە.
ساڵەو (1603ز): شا عەباسی سەفەوی ئەچی ساڵېنە هېرشش کەردەن سەرو کوردەسانی و ئەرمینیای. هەر ئەچی ساڵېنە جەنگو مېیانو ئێران و عوسمانییەکا هۊرخېزیان.
ساڵەو (1604ز): میر شەرەفخانی بەدلیسی ئەچی ساڵېنە کۊچی دمایینش کەردەن. هەر ئەچی ساڵېنە مەلا ئەبوبەکری موسەڼیفی شاعیر کۊچی دمایینش کەردەن.
ساڵەو (1605ز): ئەچی ساڵېنە فەرمانڕەوایی ئەردەڵانی کۆتەن دەسو خان ئەحمەڎ خانی و بېیەن بە میرو ئەردەڵانی. هەر ئەچی ساڵېنە بەهرۆزخان کوڕو شابەڼەرو دونبولییانی کۊچی دمایینش کەردەن. تاریخو (24) مانگەو هەشتو ئی ساڵېنە شا عەباسی سەفەوی سەرکۆتەن ملو عوسمانییەکارە.
ساڵەو (1606ز): حەسەن کوڕو نورەدینی جە شارو (کلس)ی، سەرو یەکەم ژمارەو شەرەفنامەیۆ بە بۍ دەسکاری، نووسخێ تەرش سەرۆ نویستەنۆ.[1]