کورد دلۍ چەرخەکا تاریخینە
بەشۍ: شەسس و یەرەمە
نویستەی: #هاوڕێ باخەوان#

‎ساڵەو (943ز): نویسەرو عەرەبی (مەسعودی) ، بەیانش کەردەن کە کورد دلۍ ناوچەکانو هەرېمو جیبال و ئازربایجانی هەنۍ و سەردارەکەیچشان موسوڵمانەن و نازنامو (یارلوی)یش هەن و فەرمانڕەوایی ئازربایجان و ئاران و ئەرمەنستان و بەلکانی کەرۊن. دیسان نامۍ چن خېڵێ تەرو کوردی مارۊن، چانېشان (یاهجان، ماجوردان، هەزبانی، برات، شادنجان، لازبا، مادنجان، مازدەنکان، باریسان، جەلالی، جەبارقی، جاوانی، موستەکانی، دەبابلا) .
ئەچی ساڵېنە پێمانێ دۊسی مېیانو حوسەینی حەمدانی و سەردارو خېڵو هەزباینە بەسیان.
ساڵەو (951ز): چی ساڵېنە نویسەر و ئەدیبی کورد ئەحمەد کوڕو یوسف، بە نازنامو (ئیبن داین) کۊچی دمایینش کەردەن. هەر بەپاو نویستەو نویسەرو عەرەبی مەسعودی، دەگێوە جە ناوچەو ئەسەدئابادینە بە نامۍ (کورد) یۆ هەنەو هەمدیس ماچۊ شارێچ هەر پا نامېوە هەن، یانی بە نامۍ (کورد) ی.
ساڵەو (951ز): ئەچی ساڵېنە یەکەم فەرمانڕەوایی کورد دلۍ سەرنیشتو ئازەربایجانی و پانیشتو وەرکۆتو کەفکاسی بە نامۍ فەرمانڕەوایی (شەدداد) ی مەرزیارە.
ئەسعەد ڕەشید.[1]