زگپڕ
1
کە پێمگوتی خۆشمدەوێێ
وەستا؛
سووڕی مانگانەکەت!
2
شیعرێکم بۆت نووسی،
هەرکە خوێندتەوە،
دووگیان بووی!
3
ناوێرم بەلاتا تێپەڕم..
بە شیعرەکانی منەوە،
بێزوو دەکەی.
4
لەنزیکتەوە،
نۆجار ناوم هێنای؛
سکت بوو بە نۆمانگ
5
لەشەوی منداڵ بوونتا،
پارچەیەک موزیکم بۆ ناردی.
کچیکت بوو ناوت نا؛
نەیژەن
6
نووکەیەکم بۆ کردی
مەمکەکانت،
بوون بە دوو کانی سپی
لێوڕێژ لە شیری چیایی.
7
لە دایانگە کۆرپەکەتم بینی
چاوەکانی لەچاوی،
تازەترین شیعرم دەچوو
ناوی نووسەر: #قوبادی جەلیزادە# [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 62 times