ڕووبارێک پێڵاوەکانی،
چووە ناو دەریا،
ئیتر قاچەکانی وندەکا!
دارسنەوبەرێک جەستەی
موتوربە کرد لە پەڕی باڵندە،
ئیتر کڵاوەکەی (با) دەیبا!
تاریکی پشتی دەچەمێ،
خەتای گڕی مۆمێک نییە،
خەتای ئەوەیە دڵی،
لە لێدانی خۆر دەکەوێ!
گیا کۆنگرە دەبەستێ،
گفتووگۆ تەنها باسی کچێنی
کێڵگە نییە، کە بکوژرێ
گفتووگۆ حەشاردانی
گۆرەوییەکانی پاییزە،
لە ماڵی چەمێ!
هاوین تێر دەخوات،
لە خوڕەی خۆر
میوەکان لەشەقامی،
لەزەتا ڕادەکشێن!
ناوی نووسەر: #ڕۆژ هەڵەبجەیی# [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 47 mal angesehen