کورد دلۍ چەرخەکا تاریخینە
بەشۍ: هەشتا و هەشتەمە
نویستەی: #هاوڕێ باخەوان#

ساڵەو (1543ز): شەرەفخانی بەدلیسی، تاریخ نویس و میرو کوردی ئەچی ساڵېنە ئامان دنیاوە، شەرفخان نویسەرو کتېبو شەرەفنامەین. هەر ئەچی ساڵېنە فەرمانڕەواو میردەسی دلۍ سەرنیشتو دیاربەکری، ۋڕان، پایتەختەکەش ئاگیل بېیەن.
ساڵەو (1545ز): چن پیێ نامڎارۍ کوردی ئەچی ساڵېنە بە دەسو سوڵتان سڵېمانی کوشیێنۍ، وەختو گېڵایۆش جە شارو بەغڎایۆ پەی ئەستەمبوڵی.
ساڵەو (1548ز): ئەچی ساڵېنە سوڵتان سڵېمانی تورکی بەشێ جە وەرکۆتو کوردەسانیش دەگیرکەردەن.
سالەو (1549ز): عوسمانییەکۍ ئەچی ساڵېنە پەلامارەو ڕەواندوزیشان دێنە، بەڵام پیس مەڕیێنۍ. هەر ئەچی ساڵېنە عەلی سوڵتان چەنگنی میرو خېڵو چنگنی ناوچەکانو (وان) یش جە هېرشو عوسمانییەکا پارېزنان.
ساڵەو (1552ز): ئەچی ساڵېنە، یام ساڵەی دماتەرەنە خەلیل بەگ بە فەرمانو شاتەهماسبی کریان بە میرو میرانو سیامەنسوری.
ساڵەو (1553ز): ئەچی ساڵېنە تورکەکۍ (شارەزوور و بانە) شان داگیرۍ کەردېنۍ.
ساڵەو (1554ز): شا تەهماسبی یەکەم ئەچی ساڵېنە پەلامارەو کوردەسانیش دان و وېرانش کەردەن.[1]