گردیما قەرزارۍ مامۊ ڕەحمانینمۍ
ئیسەرو ئۆسەرو داریویۆ دوۍ تەنەکېش شوریکەردیبینیرە و پەڕیبینی ئاوی، پیلاو پۆلاو ملیشەرە شوڕیش کەردیبینیرە. زوو زوو ئا دوە تەنەکە ئاوا کەرېنە دلی بەرمیلە چەرمە تازە ڕەنگکریاکەی، هەر سەفەریو ئاوەکی کەرینە بەرمیلە زلەکە بە ئیمە واچی دوری گندێ با ڕەنگ نەگیردی، جار جار من هەر لوینی وەرۆ تورەم بی وەنەو واچیوە، ئەری ئانە من چەنی توم نېیا کورە؟ .
کە دەرسی یەرەم ئامابیێ، ئیتر گردیما پۆلەنە چەمەڕوانی بەرەکەی کەرینمی کەی ویش و مشکیەکەشۆ بزیوونە . شوت و هیڵیما پەی باروو. گرکەس یەک هیلە سەرو میزەکیشۆ وەرو دەمیشەنە نییرە. چەنی یەک کولیرەی، ئای کە بەلەزەت بی خوایا، خو ئەر شوتیچ بیێ گردیما جاریوەنە دولکە باغەینەکاما کیشینمە میزەکیرەو مامو شوت ...مامو شوتش وەنە گیرینمێ. ئاڎییچ توڕە بی بەدەنگی بەرز واچی بردیشۆ! گرکەس پەڕو یەک دوڵکەی شوتی گەرمش پەی کەریرە بە کولریوە وەرینمیش. ئای بەڵخە چن وەش بینی!! ئەر واتێما ماموگېیان کچیوتەر شوتم دە توڕەما بۍ وەنە، جە میهرەبانیشەنە، خەمش بۍ بەشو ئەویشاتەری نەکەروو.
هەرکاتیو جی ئەخیرو عومریچشۆ دیەبیێم، یەکسەر واچی بوو با بەروت پەی لا ماموسا ئایشەیو ماموسا زەکیەی با پسە جارا گپیت کیشا.
یادت بەخێر و یاگیت بەهەشت قەبرەت پڕ نوورە بوو مامو ڕەحمانی وەشەویس !
بەراستی یادگاریت ئاستی جیا، گردیمات خەمناک و خەمبار کەردیمی.
هۆرامان عەبدولڕەحمان.[1]