کورد دلۍ چەرخەکا تاریخینە
بەشۍ: سەڎ و پاڼزەهەمە
نویستەی: #هاوڕێ باخەوان#

ساڵەو (1777ز): ئەچی ساڵ و سەڎەنە چڼیین قۊمیێ و تەقەیۊرۍ ڕوەشان دێنە:
*مەحموڎ پاڎشاو بابانی، جارێتەر چەنی مەحموڎ عەلی سەرداری گېڵاوە و میانو مەحموڎ پاڎشا و خەسرەو خانو سنەی، نزیک (سەری بار) داشایۊی و خەسرەو خان فرە بە خراپی مەڕیا.
*مەولانا خالیدی نەقشبەڼی ئامان دنایوە.
*کەلب عەلی خان، سەردارو زەندی پەی یاردیدای ئەحمەڎ پاڎشاو بابانی ئامانو دیسان سەرو تەختیۆ نیانشەرە و موحەمەڎ پاڎشایچ ڕوەو کۆیە ڕەمان.
*موحەمەڎ پاڎشا و ئەحمەڎ پاڎشاو بابانی لوێنۍ پەی کەرکوکی.
ساڵەو (1778ز): ئەچی ساڵېنە ئی تاریخۍ پەی ئېمە تۊمارۍ کریێنۍ:
*موحەمەڎ پاڎشاو بابانی و تەیمور پاڎسا جە کۆیە، ڕوەو میرنشینو بابانی ئامێنۍ، چەنی ئەحمەڎ پاڎشاو بابانی جە
گڵەزەردە دانشا یۊیرە و گژیێنۍ، دەس بە یەخۍ مدرێنۍ و سەعاتێش خواینان، چا جەنگەنە تەیمور پاڎشا کوشېیان و موحەمەڎ پاڎشا بە دیل گېریان، هەردۋۍ چەمېشا بەرئاردەن، ئەحمەڎ پاڎشایچ دمای گېڵایۆش ڕاو قەراخیۆ، دمای حەڤڎە ڕوا مەردەن.
*زانای ئایینی مەولانا خالیدی نەقشبەڼی جە ئەڎێ بېیەن.
کەریم خانو زەندی، کۊچی دمایینش کەردەن، کەریم خان پەی سەردەمێ پاشاو ئێرانی بېیەن، بە ڕەگەز کوردەن.[1]