کورد دلۍ چەرخەکا تاریخینە
بەشۍ: سەڎ و سی و یەکەمە
نویستەی: #هاوڕێ باخەوان#
ساڵەو (1808ز): چن تۊمارێ پېوەس پی ساڵېوە پەی ئېمە دیاری کریێنۍ:
* ئەچی ساڵېنە (سەی یاقۆ)ی شاعېر دلۍ دەگاو (قەمەشە)ی جە ناوچەو کرماشانی ئامان دنیا.
* بابانەکۍ بە ڕابەری ئۆڕەحمان پاڎشای پەی دوەم جاری جەنگشان دژو عوسمانییەکا خېزنان دلۍ دەربەڼو بازیانی، بابانەکۍ بە هۊکارو خیانەتو مەحموڎ بەگ کوڕو خالید پاڎشای مەڕیێنۍ، مەحموڎ بەگ ڕێوە تەرەش پەشتەو دەربەڼو بازیانیۆ پیشانەو دژمەنی دێنە و دژمەن دزەش کەردەن پەی سەرو لەشکەرو بابانی.
* ئۆڕەحمان پاڎشاو بابانی وەردەمو لەشکەرو عوسمانییەکانە مەڕیان.
* ئەچی ساڵېنە، سڵێمان پاڎشا کوڕو ئیبراهیم پاڎشای بېیەن بە میرو بابانی.
* عادل پاڎشا، میرو ئامێدی ئەچی ساڵېنە کوشېیان.
ساڵەو (1809ز): ئەچی ساڵېنە تورکەکۍ شارو سلێمانیشان چۊڵ کەردەن، بابانییەکۍ دەسشان گېرتەنۆ ملو شارەکەیرە. هەر ئەچی ساڵېنە مستەفا بەگی کوردی شاعېردلۍ شارو سلېمانی ئامان دنیاوە.[1]