کورد دلۍ چەرخەکا تاریخینە
بەشۍ: سەڎ و سی و پەنجەمە
نویستەی: #هاوڕێ باخەوان#
ساڵەو (1814ز): چن تۊمارێ پېوەسېنۍ پی ساڵېوە:
* ئەچی ساڵېنە، یام ساڵەی دماتەرەنە، پاڎشاو کۆرەی پسپۆرێ وەشکەردەی چەکیش جە شارو ورمێ بە نامۍ (خان گیڵدیی) ئاردەن پەی ڕەواندوزی.
* ئەچی ساڵېنە عەبدوڵڵا پاڎشا بېیەن بە میرو بابانی.
* ئەچی ساڵېنە شاعېر سری خانمی دیاربەکری ئامان دنیا.
* کەیفی جوانڕۊیی شاعېر، ئەچی ساڵېنە ئامان دنیا.
* تاریخو (05-10-1814ز) قەنارەدای عەبدوڵڵا ئاغای بە فەرمانو پاڎشاو کۆرەی، کە ئەمین سڼوقو میرنشینو سۆرانی بییەن، چوونکوم سەردای (تەمرخان) مامۊ پاڎشاو کۆرەیش کەردەبۍ، کە دژمەنداری میانشانە بییەن.
* تاریخو (14-12-1814ز)، پاڎشاو کۆرەی بە دۋۍ هەزار سەربازېوە هېرشش کەردەن سەرو تەمرخانو مامۊیش جە ناوچەو (هاودیان)ی، ناچار تەمرخان وېش خزنانەنە دلۍ قەڵاو (شیتن)ی، هېزەکەو میری چواردۆرشان گېرتېنۍ.[1]