ئەشناسای و بەخشای کتېبێ
هیزی جعمعە (10-04-2024ز) مزگی دەگاو گوڵپینە بە ئاماڎەبېیەی ئەژمارېوە وەرچەم جە ڕۊشنویرا و خەموەرا هۆرامانی، ڕاوڕەسمو پەردەلادای و ئەژناسنای و بەخشای تازەتەرین بەر ویرو ئێژا د.ناجح گوڵپی لوا ڕاوە هەکە کتېبێوە قەوارە گەورەو دلێگەر دۆڵەمەندی بێ، سەرو ۋېیەردەو ژیوارو دەگاو گوڵپی بەنامۍ (باسێوی فەرهەنگی دەگاو گوڵپی).
مشۊ بوچیۆ ڕاوڕەسمەکە لاو ئەرەمەرزیاو یانەو سیاوچەمانەیۊ سازکریاو جوانی ئێژا ڕېباز گوڵپیچ ژیرانە کۆڕەکېش بەردە ڕاوە.
منیچ سەرەڕاو دەسوەشیم جە بنۋېس کتېبەکەی و یانەو سیاوچەمانەی و م. کەمال ئەمین گولپی، شەرەفو ئەوەوانای و ئەژناسنای کتېبەکەیم پەنە بڕیا.
هۆنیار فاتح بەختەوەر هۆنیېوەش پېشکەشە کەردە.
بنۋېس کتېبەکەی ناجح گوڵپی باسێوەش کەرد سەرو ڕازەو ئەڎابېیەی کتېبەکەیش.
دماتەر لاو هۆنیار عیزەت مەیکە پېسەو بەتەمەنتەرین کەسو کۆنیشتەکەیۆ پەردە لادریا سەرو کتېبەکەی و دریا بە بەشدارا جەمەکێ.[1]