ئاڎ پیسەنە تەماتەی چەنی گرڎ چېوێ مەوریۊن
یانی ئاڎ کەسێ ساڵح و ئیماندار و عالەن، چەنی گرڎ کەسی گونجیان. ئی پەندې بە کەسێوە ماچان هەکە فرە ڕوو وەش و ئەنەیاوا و گۊشگیر و هېمن و نەجیبەن، کەسێن قینیش ئەو هیچ کەسی نمێ، حەزش بە وەشی و تېکەڵین، چەنی گرڎکەسی سازیۊ و گونجیۊ، وې گونجنو قسە وەشەن، جە گرفت و ناڕەحەتییەکانە چەنی چواردۆریش هامکار و یاردیدەرەن، حەزش جە زاڵبییەی ملو خەڵکیرە نییەن، ئیتر کاتێ دلې کۊنیشتێ، یام جەمێ خەڵکینە باسش مێنە دلې، ماچان؛ بە خوڎا برا ئانە پیێوەن پېسەنە تەماتەی، چەنی گرڎ وارڎەمەنیێ و چەنی گرڎ چېوێ مەوریۊن، واتا پەی دلې گرڎ کۊنیشتێ و گلېرۆبییەیێ مەگونجیۊن، نەرم و نیانەن، هیچ کەس قینیش نمەی چەنەش.[1]