ئادەی کام لاتا مېشۊ
پېسە ئیدیۊمێ بە کەسێش ماچان پەی دایوەنەی و تالیم دای. کام لات مېشۊ، یانی لای ڕاست مېشۊ یام لای چەپت، پەی ئانەی بڎەو لا ئېشاکەیت. ئادەی پەنەم بواچدې چکۊوە ئیش و ئازاری فرەو فراوانتا پەنە میاوۊنە، پەنەم بواچدې هەتا منیچ بە ئارەزو وېم بڎەو ئا یاگاتا و فرەتەرین ئېشتا پەنە بیاونوون. ئینە کەسێوە یان کەسانێ باڵادەسې و پەیلېویێ ماچانېش بە ئا کەسا هەکە تووڕې و ناڕەحەتېشان کەردېنې و هەقەشا هەنە سەرشاوە، ئیسە پەیشا ڕېککۆتەن هەکە بە مەیلو ویشان هەقەشان چەنە بسانان. بڕێ جاریچ تاتە بە زاروڵێوەش ماچۊش، پېسە هەڕەشێ پەی تەرسنایش، ماچۊ: مادام ئڼە بېتالیمەنی مەشۊم کام لات بېشۊ بە دڵو وېم ماڵووش پۊرە، یام تاتەکە چەمەڕایی کوڕێش مەکەرۊن تاکو بگېڵۊوە، کە تاوانێش کەردەبۊن، ماچۊ: خوڎاکەرۍ بگنۊ چېرو دەسام، ئینجا کام لاش مېشۊ با منیچ یەکجاری بېشنووش.[1]