ئارۊ دنیانەو سەوای قیامەت
پېسە ئیدیۊمێ بە کەسێ ماچیۊ هەکە ئاگاش جە دنیاو قیامەتو وېش نەبۊن، هەر خەریکەن بە دنیێوە، تېرواردەیش نییەن، وچانە نمەڎۊ وېش، کەسێ پەنەش ماچۊن: ئارۊ دنیانەو سەوای قییامەت، واتا کوچێ خەمو قیامەتیچت بۊن، دنییا کۊتاش مێ، بەڵام قیامەت ئەبەدی و هەرمەنەن. هەتا هەتان دنیانە نمەمەنمیوەو لوای پەی قیامەتی نزیکەن، هەر پیسە ئارۊ پا بنیەینە دلې سەوای، مەبەس ئانەن هەکە ئینسان مشیۊم ویرو قیامەتیش بۊنەو جەتووڕەیی خوڎای بتەرسۊنە پانەی کارێ نەکەرۊ هەکە وېش وزۊ وەرو غەزەبو خوڎای. یام کەسێ زاڵم هەقو کەسێ مەزڵوومی مەوەرۊن، کابرای هەقوریا بېدەسەڵاتەن، بەڵام ئومېڎێش پەو دنیێ هەن و سوور مزانۊ هەکە خوڎای گۆرە چەو دنیا هەقەش پەی وەرمەگېرۊوە، ئارۊ دەسەڵاتش نییەن، بەڵام سەوای قیامەتەنە هەقەش گمە نمەبۊن.[1]