ئانە دوەژەنەن، خیش و خرپنەن
پیای دوەژەنە، پېسە وەڵینا واتەن جگەرش وڵ وڵەن. پیای دوەژەنە چوونکوم قورسایێ فرە مەگنۊ سەرو شاناش، چوونکوم دوې بنەیانې مەبەرۊ ڕاوە، سەرەمڕە ئینا حۆلېنە پەی پېڎاکەرڎەی قوتوو ژیوایی ژەن و زاروڵەکاش، پەی پەڕکەرڎەیۆ ئاتاجییەکانو ژیوایشان، پاسەبۊ جە پیایا تەری فرەتەر مەمانیۊ، فرەتەر خەمې و خەفەتې و ناڕەحەتیې یەخېش مەگېران، پۆکەی دلې خەڵکینە پۆشۆ دیارەن و هیلاکەن. بەڵام ئی قسېچە هەنە کە ماچان پیای دوەژەنە خیش و خرپنەن، واتا جە دوې یاگېوە خزمەتش مەکەران و نازش مەکېشان، دوە ژەنەکەش قینیې یۊینە هەردوې ملان دۆرشەرەو نازش مەکېشان و هەر واردێ وەش و عال بۊ دەرخوادش مڎان، چوونکوم هەر یوەشان گەرەکشەن پانەیە دڵو مېردەکەیش بکېشۊن پەی لاو وېش، ئیتر ئەپاسە خڕ و خەپان و خیش بەرمشۊن. ئینە گەر تەنیا ژەنێ بۊ ئەپاسە نمەلۊ دۆرو پەشتشەرەو خزمەتش نمەکەرۊ.[1]