ناڤ: خەزال
ناڤێ بابی: سیدۆ
ناسناڤ: دایکا کوردان
جهێ ژدایکبونێ: گوندێ باسۆتێ یا سەر ب #عەفرین# یا ڕوژئاڤایێ کوردستانێ
ڕێککەفتا ژدایکبوونێ: #02-02-1944#
ڕێککەفتا وەغەرا داویێ: #27-09-2019#
$ژیاننامە$
خەزال سیدۆ ل 02-02-1944 ل گوندێ باسۆتێ یا سەر ب عەفرین یا ڕوژئاڤایێ کوردستانێ ژدایک بوویە و ل ماڵباتەکە دیار یا کوردێن ئێزدی یا هەرێما عەفرینێ نە.
د ژیێ زارۆکێ دە ل عەفرین، دیمەشق و لازقیە ژیایە و هەر ل تەمەنێ گەنجێتیدە ژبو مافێ کوردان و ب تایبەتی مافێ ژنان خەبات کرییە، ل ساڵی 1967 چوویە ئەڵمانیا و خوەندنا پەرستاریێ ل وی وڵاتەی تمام کرییە، ل ساڵا 1972 دگەل د. ساڵح سیدۆ، کەسایەتیێ دیار ئێ عەفرینێ ژیانەکە نووپێک ئانییە و سێ کوڕ هەنە .=KTML_Photo_Begin=https://www.kurdipedia.org/files/relatedfiles/2019/373147/0001.JPG=KTML_Photo_Alt=خەزال سیدۆ -دایکا کوردان=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/373147/0001.JPG=KTML_Photo_End=
ل ساڵا 1968 دبیتە ئەنداما سازییا خوەندەکارێن کورد ل ئەوروپا (KSSE) و وی سەردەمەی تاکە ژنا ئەندام بوویە ل ئەڤێ سازیێدە، ل ساڵا 1971 بوویە ئەنداما ڕێکخراوا گەلێن بن هەڕەشەیێدە.
ساڵا 1990 ب ئالیکارییا وێ، 300 هەزار مارکەیێن ئەڵمانی ژ ئالێ هەرێما نۆردراین فێستڤاڵن (NRW) وەکە هەڤکاریێن ئاڤەدان کرنێ ژبوی گوندێن باشوورێ کوردستانێ هنارتن و ل سێ گوندان دە نێزی 100 خانی درووست کرن.
خەزال سیدۆ 27 ساڵان ئەنداما ناڤەندا کوردی ل باژێڕێ بۆن یا وڵاتێ ئەڵمانیایێ بوو. جهێ ئیماژێیە کوو ئەڤێ ئافرەتێ هەڤکارییا تەڤا کوردان ب بێی جوداهی کرییە و کەسەکە زور خوشتەڤی بوویە ل ناڤا کوردێن ئەڵمانیا و تاڤایا ئەوروپایێ، لەوما زوربەیا کوردان ل سۆشیالمیدیا ب دایکا کوردان ناڤ دبر. خەزال هەیامەکێ دوور و درێژ بوو توویشی نەخوەشییەکە سەخت ببوو و ڕوژا 27-09-2019 وەغەرا داویێ کر.
دەمژمێر 12:00ێ ڕوژا شەمیێ #05-10-2019# ب دەمێ ئەوروپا د ڕێوڕەسمەکە هەژی هات بخاک سپاردن. [1] [2]