ناڤ: عەزیز
ناسناڤ: عەزیز ئاغای غەفووری
ناڤێ بابی: ساڵح
ساڵا ژدایکبوونێ: 1919
ساڵا وەغەرا داویێ: 1989
$ژیاننامە$
عەزیز ئاغای غەفووری، ناڤێ وی یێ تمامی (عەزیز ساڵح عەبدوڵڵا بابەکر)ە ل ساڵا (1919) ل گوندێ خرابە چەقی یێ ناحیا #ئاشتی-کۆیە# ژدایک بوویە و کوڕێ مەزنێ ساڵح ئاغایە، سێ برا ب ناڤێن (فەتاح و مەمەند و عەباس) هەبووینە، دوو ژن ژی هەبووینە ب ناڤێن (عیسمەت حەماغای کۆیە) و (تێلیە عەلی ئاغای توفیق ئاغای #شێخ بزێنی#)، شەش کوڕ و نەﮪ کەچ ژی هەبووینە ب ناڤێن (عەبدوڵڵا و لوقمان و ئەڕستۆ و ئاسۆس و نەهرۆ و سەرهەد)، کەچک ژی ب ناڤێن (بەدیعە و ئیقلیم و زەکییە و نەسرین و پەڕژین و شلێر و پەروین و بەهار)، سنوورێ حوکمڕانییا وی ل گوندێ #کڵێسە#وە هەیا کوو بەستی شەرغە بوویە، زور زەڵامێن زیرەک و ژێهاتی و چاڤنەترس هەبووینە کو چ دەمەک ل فەرمانا وی دەرنەچووینە، خەڵکێ سنوورێ خوە دپاراستن وهەمی دەمان خوە ژێڕە دکرە خودان و توو جارەکێ پشت ل خەڵکێ خوە نەدکر، ئەوا کوو وی هەبوویە یا خەڵکێ وی ژی بوو و توو دەمەکی نەدکاری ژوانا دوویر بکەڤیت، دەما کوو تەکلیفا وێ چەندێ ژێڕە دهێتە کرن کوو ببیتە سەرۆک جاش، عەزیز ئاغا دبێژیت: ئەز قەت کارەکی ناکەم کو شەرمەزاری تێدە هەبیت چەوا ئەز ل ماڵا خوە بم و هوین ئاگری تێبەر بدەن، ئەز ماڵا تەڤایا دەشتا #کۆیە# ب ماڵا خوە دزانم، پشتی وێ چەندێ کو خزم و کەس و کارێن شێخ بزێنی ژ ئالێ ڕژێما بەعسی ڤە هاتنە دەستەسەر کرن زور خەم و خەفەت خارن و توویشی جەڵتەیا مێشکی بوو و ل نەخوەشخانەیا تەنگاڤییا #هەڤلێر#ێ دمینیت، کەس و کارێن وی ڤیا کوو ببەن بو بەغدا و نەخوەشخانەیێن ئەوی باژێڕەی، ل ساڵا 1989 ب ڤێ نەخوەشیێ وەغەرا داویێ کر. [1] [2]